Ni wazi kuwa baadhi ya vinara wa CUF na wadau wao UAMSHO hawautaki na wanauchukia Muungano na wameamua kufanya ajenda yao kuuvunja. Katika miezi ya karibuni vinara wa kundi hili wamakumbatia mfumo wa wanachokiita Muungano wa Mkataba ambao ni wazi wamevutiwa nao kutokana na urahisi wake wa kuuvunja Muungano. Na ukweli hii ni kama strategy ya kuwaficha ukweli wafuasi wao ambao bado wanaamini katika umuhimu wa Muungano. Wamekosa uthubutu wa kusema tuvunje Muungano lakini wanatumia neno Muungano wa Mkataba kama ngozi ya kondoo juu ya chui ambaye ni kuvunja Muungano.
Wahafidhina hawa wa harakati za kurudisha Zanzibar ya kabla ya Mapinduzi, wanajua wazi kuwa madai wanayoyatoa hayawezi kukubalika kwa upande wa Bara. Hivyo madai yao ya Muungano wa Mkataba na mengineyo ni ujanja wa kuwalazimu Watanganyika ndio waamue kuvunja Muungano huo na kuwafanyia kazi wao na maslahi yao ya kihafidhina. Wanjua wazi jibu la mwisho litakuwa na tuvunje Muungano ili tukutane katika Jumuiya ya Afrika Mashariki kama itahitajika tukiwa kama nchi tofauti zenye maslahi tofauti yakiwemo yanayoendana na yanayopingana.
Moja ya njia wanazotumia wahafidhina hawa kuwalaghai Wazanzibari ni kuendeleza ile ndoto ya Zanzibar ya kabla ya Mapinduzi ambayo ilikuwa ikivuma kutokana na kuwa kitovu cha biashara katika Afrika Mashariki na kuaminisha watu kuwa Muungano ndio umeiondolea Zanzibar nafasi hiyo. Wanasahau kuwa geopolitics ambazo ni muhimu kwa uchumi wa eneo fulani katika enzi hizo ni tofauti kabisa na sasa. Wanasahau kuwa moja ya vitu vilivyofanikisha kujenga na kuendeleza msingi wa hali hiyo ilikuwa ni biashara ya utumwa na magendo ya bidhaa mbalimbali za thamani ya juu kutoka maeneo mengine ya Afrika Mashariki, zaidi ilikuwa kutoka Tanganyika.
Biashara ya utumwa iliendelea hata wakati wa ufalme wa Waarabu wa Omani ambao serikali iliyopinduliwa na mnayotaka kuirudisha kwa mlango wa nyuma ilikuwa ni wadau wa Sultan huyo. Lakini zaidi ninacho ongela hapa ni msingi wa uchumi uliojengwa na faida kubwa ya biashara hiyo na mabaki ya kimfumo ya biashara hiyo hata baada ya kusimamishwa kwake.
Hata baada ya biashara ya utumwa kuvunjwa Waarabu na wengineo waliendelea kutumia watumwa kuneemesha shughuli zao za kiuchumi ambazo zina uhusiano wa moja kwa moja na Zanzibar ile wanayoiota na hata baadae mfumo wa mabwana na watwana uliendelea hata baada ya uhuru wa 1963 na kukatishwa ghafla na Mapinduzi ya 1964. Hivyo huwezi kuepusha uhusiano wa bishara ya Utumwa na hali ya kiuchumi na biashara kabla ya Mapinduzi na hata mafanikio mengi ya wakati wa Karume yaliendelea kutumia matunda ya uchumi uliojengwa na mtaji uliokusanywa katia biashara ya Utumwa.
Pia wanasahau kuwa mafanikio yale ya wakati ule yalikuwa na uhusiano wa moja kwa moja na mfumo wa ukoloni na ubwana na utwana uliokuwepo enzi zile ambao ulitoa nafasi maalum ya Zanzibar na sehemu fulani ya Wazanzibari kiuchumi.
Haya yote na hata hili la sasa ambapo Zanzibar bado ina nafasi ya kunufaika na soko la karibia watu milioni Arobaini na Tano la Tanganyika, kamwe hayawezi kuwepo hasa baada ya kuvunja Muungano wetu. Tukivunja Muungano Zanzibar itakuwa just another sovereign country ambayo itaangaliwa kama mshindani wa kiuchumi zaidi kuliko mshirika wa Muungano. Tukivunja Muungano hata special status ambayo Zanzibar imekuwa ikipata ndani ya Muungano wa Tanzania na katika Shirikisho la Afrika Mashariki haitakuwepo.
Hivyo kwa wale wanaoamini katika kufufua ndoto ya Zanzibar ya kabla ya Mapinduzi na baadaye Muungano wanapaswa kuipima ndoto yao hiyo kwa mizania ya uhalisia wa mazingira ya sasa na sio mazingira ya wakati ule. Zanzibar njema inawezekana katika mfumo wa siasa za kuaminiana na kushirikiana ndani ya Muungano na sio katika siasa za kushindana kwa visa, chuki na utengano nje ya Muungano.
Kuhusiana na suala la Zanzibar ni nchi ama sio nchi ambalo nalo limekuwa likitumika kama propaganda dhidi ya Muungano ukweli ni kuwa kisiasa Zanzibar ni nchi lakini kisheria Zanzibar si nchi na suala lolote lonalohusiana na Muungano ni lazima lifuate taratibu za Muungano. Kwa kutumia suala la OIC, maadui wa Muungano wamewadanganya na kuwaaminisha Wazanzibari kuwa Zanzibar inazuiwa kufanya chochite wakitakacho hadi wapate ridhaa ya Tanganyia. Ukweli ni kuwa hakuna suala ambalo Zanzibar wanalokataliwa kilifanya kama sio suala la Muungano na kwa masuala ya Muungano kuna vyombo vya Muungano kulishughulikia. Yawezekana wahafidhina wanaopinga Muungano wanaamini kuwa masuala ya taratibu sio sehemu ya utamaduni wa Kizanzibari lakini kama nchi lazima utaratibu ufuatwe hasa inapohusiana na mahusiano na mataifa ya nje kama lile suala la OIC ambalo naamini ni Katika mfumo ulikokuwepo ambapo masuala ya mahusiano ya kimatifa ni suala la Muungano ni Tanzania na sio Zanizbar yenye kupaswa kujiunga na shirikisho hilo linalouunganisha Waislamu na wasio Waislam katika mashirikiano ya kimaendeleo.
Lakini huu ni unafiki wa hawa wahafidhina wanaota kurudisha Zanzibar ya kabla ya Mapinduzi kung'ang'ana na Zanzibar ni nchi wakati wao ndio walioshangilia (hata mimi pia) maamuzi ya kikatiba kupitia mahakama ya rufaa katika kesi ya watu wao wa CUF waliokuwa na kesi ya uhaini lakini baadae wakaona hukumu hiyo chungu pale ilipopingana na matakwa yao wapinga Muungano. Kwa muda sasa wamekuwa wakitumia ujanja wa kulaani uhalisia huo wa kuwa Zanzibar sio nchi na hata ilipotelewa ufafanuzi katika hotuba ya Rais bungeni kuwa Zanzibar ni nchi ndani ya Tanzania na na nje ya nchi katika yale masuala yasiyo ya Muungano tu, kama mbinu ya kujenga hisia kuwa ajenda zao nyingi ikiwemo ya kuvunja Muungano ni ajenda ya Kitaifa ya Wazanzibari uuku wakijua kuwa hilo sio kweli.
Kuhusu mfumo wa kiuchumi, ni kweli Zanzibar inapaswa kuwa na nafasi maalum - special status ambayo itaiwezesha kushirikiana kiuchumi na Tanganyika na sio kushindana kama ilivyo sasa. Sioni sababu nzito ya kulazimisha bidhaa zinazoingizwa kupitia Zanzibar kutozwa kodi sawa na zile zinazoingizwa kupitia Tanganyika. Kama tumeweza kuwa na special status katika mfumo wa soko la Afrika Mashariki ambako pia Zanzibar inaendelea kufaidika nao, sioni sababu ya kushindwa kufanya hivyo ndani ya Muungano wetu.
Suala la kushindanisha uchumi wa Bara na Visiwani nakubaliana nalo kuwa linahitajika kuangaliwa upya. Inawezekana kabisa kuipa Zanzibar status maalum ya kiuchumi ambayo italindwa hata katika masuala ya Muungano au Jumuiya ya Afrika Mashariki na hiyo ndio imekuwa principle inayotumika katika negotiations zote kama Tanzania inavyosisitiza. Na kwa faida ya Zanzibar ni kuwa ili uchumi wa Zanzibar kuwa na nguvu unahitaji soko kubwa na utakuwa ni uhayawani kudhani nje ya muungano Zanzibar itapata kuwa na special status ya kiuchumi bali hilo lawezekana tu ndani ya Muungano. Hili linawezekana tu tukiwa ndani ya Muungano na si vinginevyo. Muungano huu ukivunjika Zanzibar haitakuwa na leverage za kudai special status hasa katika masuala ya kiuchumi ndani ya Jumuiya ya Afrika Mashariki.
Kuhusu hii propaganda inayoaminiwa na Wazanzibari wengi eti kodi ya ya Zanzibar inakusanywa na kupelekwa Tanganyika huu ni uzandiki mwengine usio na chembe ya ukweli. Ni propaganda ambayo inaelekea kuaminiwa hata na wale ambao wamekuwa wakisambaza huku wakijua haina ukweli wowote. Ndio matokeo ya siasa za fitna hizo. Hakuna senti ya kodi inayokusanywa Zanzibar inayoenda Bara. Pesa zote zinazokusanywa na TRA Zanzibar zinabaki kwa kutumiwa huko ktk masuala ya Muungano.
Zaidi ni kuwa Kuna kiasi kingine kikubwa kinachokusanywa Tanganyika na kuletwa huko kuongezea na hapo bado haujaingiza mabilioni mengine yanayoletwa huko kinyume cha vigezo vya Muungano. Ukweli uwazi kuwa kodi inayokusanywa Zanzibar yote hubaki na kutumika katika shuguuli za Muungano za upande wa Zanzibar na kamwe haijawahi kufikia asilimia 11 ya makusanyo. Sanasana fedha zingine ambazo hukusanywa Tanganyika huongezewa kufikia ile asilimia 4.5 ya Bajeti inayopaswa kuwa ya Zanzibar.
Kuhusu dhana ya kuwa kwa sababu Bunge la Tanzania lina wabunge zaidi ya 200 kutoka upande wa Tanganyika wakati wengine 50 wanatoka Zanzibar hivyo maslahi ua Zanzibar hayawezi kulindwa katika bunge hilo ukweli ni kuwa katika Bunge hakuna suala linalohusu Muungano linalopita bila ya kuwa na baraka za three third majority ya Wabunge kutoka Zanzibar. Sasa kama unadhani nguvu za kibunge ni kuwa na Zanzibar kuwa na wabunge 300 pia inaonyesha jinsi gani mlivyokosa busara. Labda kama na ninyi mliokimbia Zanzibar na kujilipua huko ughaibuni nanyi mnatka uwakilishi bungeni. Hilo linaweza kuzungumzwa.
Kuhusu Zanzibar kuwa na Baraza lao la Mitihani kama ilivyokuwa hapo kabla na sio kutumia mitihani na mfumo wa NECTA sidhani kama hilo tatizo kubwa sana. Kama mnataka kuendeleza uyaghe katika elimu ili kujifurahisha kuwa vijana wenu wamefaulu mnaweza kuwa na baraza lenu la mitihani. Lakini muwe tayari tu kwa vijana wenu ama watosheke na nafasi za vyuo vya elimu ya juu huko Zanzibar na vyenye sifa za kutambulika kimataifa ama muwe tayari kufanya mitihani maalum ya kuweza kuingia katika vyuo vya bara na kwengineko.
Huu ujinga wa kulaumu NECTA kufeli kwa vijana wa Zanzibar ambao wenyewe mnajua walivyokosa nidhamu na tamaduni za elimu unazidi kuwadanganya vijana wa Zanzibar ambao sasa imekuwa fashion kujigamba kuwa hawajasoma na wala hawana kazi. Hata yule kijana aliyekuwa wa mwisho kabisa darasani naye sasa anaamini alifelishwa. Wanatumia sumu kupata mradi wao sasa, lakini sumu hiyohiyo ndio inaaendelea kuathiri msingi mkuu wa maendeleo ya jamii yenu, ELIMU ya vijana wenu. Kama tatizo ni NECTA mbona vijana wa Pemba na wale wenye kuishi katika mazingira ya kielimu wanafaulu?
Kuhusu umeme wa Tanesco ukweli ni kwamba Zanzibar inauziwa kwa bei tofauti na wengine. Serikali ya Muungano ina-subsidize kwa kiasi kikubwa. Lakini pia kiasi kikubwa cha deni hakilipwi na huishia kwa hazina ya Muungano kubeba mzigo wa madeni hayo. Lakini ni kweli suala hilo sio kubwa kwani uwezekano wa wafadhili kuwawekea mitambo ya gesi upo lakini suala ni kuwa na uchumi wa kuweza kuendesha mitambo hiyo na sio kuwa tegemezi jumla jumla.
Na kuhusu dai la kuwa Wazanzibari wanapaswa kuwa na paspoti yao wengine hata wakadai kurudishiwa paoti yao ambayo ukweli Zanzibar huru haijawahi kuwa nayo labda wakimaanisha ile ya Sultan wa Omani ni kweli tukifikia kuwa na paspoti tofauti Wazanzibar wataweza kwenda Tanganyika kama wageni wengine kutoka Kenya endapo mtaweza kuingia katika Jumuiya ya Afrika Mashariki. Lakini pia thamani ya passpoti inategemea na hali za kisiasa na uchumi wa nchi hiyo. Ukiangalia mbele kuna kila dalili ya Zanzibar kuwa black spot katika enzi hizi za ugaidi wa "waislamu wenye siasa kali" ambao wamejificha katika kivuli cha CUF na sasa wameanza kujitokeza kaika sura ya UAMSHO. Sasa kama Wazanzibari wako tayari kuondokana na kivuli cha Utanzania na kuingia katika kivuli cha Zanzibar ya UAMSHO na majinamizi mengine, then wanapaswa kuangalia machaguo yao kwa uangalifu zaidi.
Wadau wengi wa Ushirika wa kuvunja Muungano ndani ya CUF wanaamini ama hupenda kuwaaminisha Wazanzibari kuwa baada ya kuvunja Muungano tutaendelea kuwa na mahusiano ya kindugu kati ya Tanganyika na Zanzibar. Hili wakimaanisha kuwa Wazanzibari waliopo Tanganyika hawataathirika na biashara na maingiliano mengine ya kijamii yataendelea kuwa kama kawaida. Huu ni uongo na kama wapo wanaoamini hilo basi ni wajinga.
Ukweli ni kuwa tukivunja Muungano haki za Mzanzibari aliyepo Tanganyika zitabadilika na hatakuwa na nafasi kama aliyo nayo sasa. Atakauwa mgeni kama alivyo Mkenya ama Mganda na usitegemee kuwa Wazanzibari wataendelea kupata upendeleo ktk suala la Ardhi. Lakini pia hata wale tutakaoamua kuwa Watanganyika ni wazi tutabaguliwa zaidi na madhila ya siasa za chuki mnazoendesha ninyi huko hivi sasa zinatatuangukia. Kumbuka huku Tanganyika kuna zaidi ya Wazanzibari 300,000 wahamiaji na zaidi ya 1,000,000 ambao ni vizazi vyao ama wenye nasaba za Kizanzibari. Wengi wao ni Wapemba. Hawa wakilazimika robo tu kurudi Zanzibar sijui hizo social and economic pressures mtazihandle vipi na zaidi wakizaliana nao Zanzibar itakuwa kama Rwanda kwa kukosa ardhi ya kutosha na hivyo itaongezea chachu ya siasa za chuki miongoni mwenu na kamwe Zanzibar haitaweza kustabilize na kujiendeleza Kiuchumi.
Kuvunjika kwa Muungano lazima kutakuwa na remifications zake na hakuna mwenye kuweza kujua ama kucontrol dynamics za baada ya Muungano. CUF wengi huangalia Muungano katika mizania ya imani kuwa bila ya Muungano ni rahisi wao kuchukua utawala wa Zanzibar na ili kufikia lengo hilo kila kitu ni halali na kuwa wanauwezo wa kucontrol dynamics za baada ya hapo. Hii ni falacy ambayo haina uhalisia wowote. Dynamics za baada ya muungano hasa katika suala mahusiano ya Wazanzibari wenyewe kwa wenyewe na Wazanzibari na Watanganyika zitategemea zaidi na mchakato wa kuvunja Muungano kama unavyendelea sasa. Kama Muungano utavunjika kwa makubaliano ya pamoja ama kwa vitimbwi na chuki ambazo CUF na Wadau wao UAMSHO wanavyozipalilia hivi sasa ndio itakavyo shape dynamics za mahusiano yetu baada ya Muungano kuvunjika. Zaidi huu upatu wa CUF na UAMSHO unapelekea kufanya geopolitical calculations kati ya Tanganyika na Zanzibar nje ya Muungano kutokuwa za kidugu wala za kuaminiana.
Wapo wanaoijidanganya kuwa wanaweza kuchezea Muungano na baadae wataweza kutumia baadhi ya vyombo vya Muungano kuwasaidia kuwaepusha na majinamizi ya kuamalizana wao kwa wao. Wanajidanganya kuwa hata wakivunja Muungano bado mtaweza kutumia majeshi ya Muungano kuwa buffer kati yao msimalizane. Ujumbe ni kuwa katika harakati hizi zao za sasa ni muhimu wakajiandaa Vizuri na mpambano wa mahafidhina wa ASP MASALIA na MAZIMWI YA HIZBU peke yao kwani hakuna uhakika kuwa Watanganyika hasa baada ya kutukanwa, kulaaniwa na hata kuuawa hovyo kama hali inavyoendelea hivi sasa watakuwa tayari kujitolea muhanga huo kwa watu ambao walipokuwa pamoja hawakuonyesha kuwathamini!
Mahusiano ya Tanganyika na Zanzibar mara baada ya kuvunjika kwa Muungano pia yaategemea na Mtu ama Chama kitakachokuwa madarakani wakati huo na mara baada ya kuvunjika kwa Muungano huo. Kuna scenario moja ambayo wengi hawaiangalii. Hii ni scenario ya chama cha CUF kikitwaa madaraka Zanzibar na CHADEMA kutwaa madaraka upande wa Tanganyika. Sioni mahasimu hawa kisiasa na kijamii wanavyoweza kuwa na ustaarabu wa kuheshimiana na kudumisha historia ya udugu wetu. Wote hawa nawajua na prejudices za udini na nyinginezo miongoni mwa fikra zao kisiasa ni kubwa mno ambazo kuna uwezekano mkubwa ndizo zitakuwa zinaongoza misimamo yao kuhusiana na mahusiano ya watu wa pande zao. Kama Zanzibar ni CUF na Tanganyika ni CHADEMA, dyanamics za mahusiano yetu baada ya kuvunja Muungano zitakuwa tofauti sana. Hii ni scenario ambayo fanatics united against the Union upande wa Zanzibar wameshindwa kuiona hadi sasa ama wameamua kuidharau kutokana na kugubikwa zaidi na chuki zao na urari wao wa kurudisha enzi za kabla ya mapinduzi. Na scenario kama hii ndio inaniambia kuwa hii propaganda ya kuwaaminisha Wazanzibari kuwa mambo yatakuwa shwari tu baada ya kuvunja Muungano ni falacy ambayo ina hatari kubwa kwa maslahi ya Wazanzibari zaidi ya Watanganyika!
Ninachosema kuwa ndoto ile ya Zanzibar ile ya kabla ya Mapinduzi ni falacy kwani haiangalii mazingira ya wakati ule na inadharau kwa makusudi mazingira ya sasa! Na kusisitiza kuwa Zanzibar bado ina nafasi ya uhakika zaidi ndani ya Muungao na sio nje ya Muungano! Anyway, najua ni vigumu kurationalize na fanatics kwani kwao rationality ni jambo adimu sana lakini naamini wapo wenye upeo mkubwa wa kupima mambo ambao wataweza kuchambua masuala haya kwa utulivu zaidi kuliko hizi hisia za Ki-UAMSHO!
UFISADI KUSHIKA HATAMU?
UFISADI KUSHIKA HATAMU?
Ilyas, O.S
Ni muda mrefu sasa nimekuwa na mtazamo kuwa baada ya
kuondokana na mfumo wa chama kushika hatamu, kuna mchakato umekuwa ukiandelezwa
na wajanja kadhaa katika nchi yetu wenye nia ya kujenga mfumo mpya ambao ninaita
MFUMO FISADI.
Matokeo na mchakato wa uchaguzi wa ndani unaolekea kkufika
tamati katika Chama cha Mapinduzi una kila dalili za kufikia hatua ya juu ya
mchakato huu wa ujenzi wa MFUMO FISADI kwa kufanikisha kusimika rasmi uhodhi wa
chama hicho mikononi mwa vinara na makuwadi ama mawakala wa mfumo huo na hivyo
kuwezesha kuhatamisha mfumo huo katika uongozi wa taifa letu.
MFUMO FISADI ni mfumo wenye nia ya kurasimisha na kuhalalisha
mambo ambayo ni kunyume kabisa na misingi ya utaifa wetu kama ambavyo ilijengwa
na kuachwa na Baba wa taifa letu Mwalimu Nyerere na wafuasi wake adhimu kuanzia
alipokuwa TANU na baadaye CCM.
Ni mfumo ambao umekuwa ukijengwa ama kujengeka katika sura mbalimbali
kama vile kujenga mfumo wa soko huria, kuendana na uhalisia na usasa wa kukubali
kuwa hatuna ujanja isipokuwa kukumbatia misingi ya kibepari, umuhimu wa kujenga
tabaka la kati, siasa za ushindani na kadhalika.
Wengi wetu kama si wote kwa namna moja ama nyingine
tumeshiriki katika harakati hizi za kujenga MFUMO FISADI. Ushiriki wetu upo katika ama katika kupanga
ama kutekeleza mikakati yake kwa kujua ama kutokujua, kuhalalisha mambo yake
kwa kutetea ama kuhalalisha chembechembe za ufisadi, kuwawezesha kiuchumi na
kisiasa wale vinara na mawakala wa ujenzi wa MFUMO FISADI na vinginevyo.
Naomba niweke wazi kabla sijaingia ndani katika kuchambua na
kuelezea mtazamo wangu kuhusu hili la ujenzi wa MFUMO FISADI na hatari
tunayokumbana nayo sasa ambapo yawezekana tukawa katika hatua za mwisho katika
kuusimika mfumo huu katika hatamu za nchi yetu.
MFUMO FISADI hauna chama wala wanachama. MFUMO FISADI hauna
dini hii ama ile. MFUMO FISADI hauna kabila hili ama lile. MFUMO FISADI hauna
rika hili ama lile. MFUMO FISADI hauna sekta moja ama nyingine. MFUMO FISADI
hauna tabaka hili wala lile. MFUMO FISADI unaratibiwa, kujengwa na kulindwa na
vyama vyote, sekta zote, dini zote, makabila yote, marika yote,matabaka yote na
makundi mengine.
Kwa leo nitaongelea mfumo huu haramu katika muktadha wa
kinachoendelea ndani ya Chama Cha Mapinduzi ambacho hivi karibuni tumekuwa
tukisikia na kuona mengi yakitokea na kusemwa katika mchakato wa chaguzi za
ndani za chama hicho. Chama ambacho hadi sasa ndio chama tawala.
Moja ya kitu ambacho kimegeuka kama ndio kioo cha kupima
mafanikio ama athari za uchaguzi huu kimekuwa ni jinsi gani nguvu ya pesa
imeweza kuonyesha makucha yake katika uchaguzi huu.
Wengi tumekuwa tukiuangalia, kuupima na kuchanganua uchaguzi
huu kama ni kioo cha kupima nani atakuwa mgombea na wengine hata kuamini kuwa
ndiye atakayekuwa Rais ajaye.
Wengi tumekuwa tukiuangalia uchaguzi huu kama ishara ya ama
kukirudisha chama katika mstari ama kukiacha kiteketee kwa kukitunuku rasmi kwa
wale wanaonekana ama kujipambanua kama vinara na makuwadi wakuu wa ujenzi wa MFUMO
FISADI.
Kwa kiasi fulani kuna ukweli wake, kwani kuna wengi ama
wamegombea, wamechagua ama wamechaguliwa kutokana na kushawishiwa, kuwezeshwa
ama kuahidiwa neema na ama wapambe au vigogo wenye kuamini kuwa wakishashinda
ndani ya CCM basi Urais wa 2015 ni wao na kwamba ulaji utakaokuja nao utakuwa
wao wa kugawana.
Hali hii inasikitisha na kutisha sana kwa mustakabali wa
taifa letu. Inatia uchungu na kukatisha tamaa kwa mzalendo yeyote yule awe
mwanachama wa chama hiki na hata yule ambaye sio mwanachama wake lakini
anatambua umuhimu wa chama hiki kwa taifa letu haswa wakati huu wa
miparaganyiko lukuki.
Harakati za kujenga MFUMO FISADI zimelenga katika kuwaangusha
na kuwakatisha tamaa wale wote waliokiunga mkono chama cha CCM kutokana na
Misingi yake imara ya kuweka mbele UTU wetu na kukiaacha chama mikononi mwa
wale walioweka mbele IMANI YA NGUVU ZA FEDHA.
Wakati mwengine huwa najenga fikra kuwa yawezekana nguvu za
harakati hizi za vinara na makuwadi wa ujenzi wa MFUMO FISADI ndani ya CCM
zinatokana na nia ya dhati ya kukiondoa madarakani chama hiki. Kwao wao na
wakubwa zao wanakiona chama hiki chenye misingi na historia adhimu ya utu,
usawa na ukombozi wa ndani na nje ya mipaka yetu ni kama kizingiti dhidi ya nia
yao ya kuhatamisha mfumo fisadi kwa jina la Ubepari.
Yawezekana, na inajionyesha wazi kuwa vinara na mawakala wa MFUMO
FISADI huu ambao wengi tayari wana mahusiano maalum na vyama mbadala katika
kinyang’anyiro cha utawala wa nchi, nia yao hasa sio kuhodhi madaraka ya chama
hiki bali kukivunjilia mbali na baadaye kutumia vyama vyenye misingi ya
kibepari ambavyo sasa vimevaa ngozi za hisia za kijamaa katika mpango kabambe
wa kusimika rasmi MFUMO FISADI katika hatamu za utawala wa taifa letu.
Na hapa ndipo ninaona kuna tatizo kuu ya jinsi baadhi ya
wanaojitambulisha kama wapambanaji dhidi ya ujenzi wa MFUMO FISADI wanakosea
katika mapambano yao. Wengi wa wapambanji hawa, wa ndani na nje ya CCM,
wamekuwa wakijikita zaidi katika mkakati wa kupanga safu za uongozi wa chama
dhidi ya washindani wao ndani ya chama kama maandalizi ya mpambano mkuu ujao wa
kumpata mgombea wa Urais kupitia chama chao.
Kwa kuweka mbele ushindani huu unaotegemea sana wa nguvu za
fedha na sio imani ya wanachama kwa chama na viongozi wao kundi hili la wana
CCM limeweza kujenga mazingira ambayo maadui ama washindani wao katika sakata
la uhodhi wa chama wamepata urahisi wa kipropaganda na kimkakati.
Matokeo yake hata hao wenye kujipambanua kama CCM-Misingi
ambao wakati fulani walijulikana kama MTANDAO MATUMAINI wanalazimika katika
kuamini katika nguvu za fedha ili kupambana na washindani wao wa kundi la
MTANDAO MASLAHI ambao kwao wao nguvu za fedha ndio msingi mkuu wa mafanikio
yoyote.
Na hapa ndipo tunapokuja katika tatizo lingine katika hizi
juhudi za kupambana na harakati za MFUMO FISADI ambazo kama mambo
hayajabadilika sasa na sio baadaye basi ni wazi zitafanikiwa katika kushika
hatamu za taifa letu.
Kitendo cha wana CCM wengine na hasa wale ninaowaita CCM ASILIA,
yaani wana CCM wenye kuamini katika misingi ya chama na utaifa wetu, kuwaachia
“WANAMTANDAO” kupambana wenyewe kwa wenyewe ni kosa kubwa linaloendelea ambalo
nalo limewezesha ujenzi wa MFUMO FISADI na uwezekano wa mfumo huo kushika
hatamu.
Mapambano ya dhati ya kukikomboa chama hiki ambacho kwa
mtazamo wangu ni kuwa hadi sasa kimekosa mbadala makini wa kukibadili na
kutegemea ukombozi wa kweli hayatafanikiwa kwa kuwaacha wanamtandao wenyewe kwa
wenyewe kuhodhi uwanda wa mapambano.
Zaidi kuna uwezekano mkubwa wa hao tunaoamini kuwa
wanapambana dhidi ya wingu la vinara na mawakala wa MFUMO FISADI kutoka katika
kundi la MTANDAO MATUMAINI wakaishia kukubali kushindwa na kujiunga na timu ya
ushindi ya wenzao. Tukumbuke kuwa hawa kwa pamoja walishirikiana katika
kuendesha mapinduzi ya ndani ya chama hapo kabla na hivyo kuweka msingi wa
ujenzi wa mfumo fisadi. Wakati wao wameamua kujitenga na jitihada za kujenga
mfumo fisadi. Wenzao wa MTANDAO MASLAHI kwa nguvu zote wameamua kuubeba hadi
watakapofanikiwa kuuhatamisha katika siasa na uongozi wa nchi yetu.
Mapambano ya dhati na yanayoweza kuirudisha CCM katika mstari
na kukilinda dhidi ya nia mbaya za vinara na wapambe wa MFUMO FISADI ni yale
yatakayojikita katika ajenda za DIRA, MISINGI na ITIKADI ya chama na sio
vinginevyo.
Na hapa ndipo wana CCM, Wazee kwa Vijana wenye kuamini katika
umuhimu wa dira, misingi na itikadi za chama hicho na taifa letu wanakuwa na
umuhimu wake kwani ni wao tu na sio wengineo ndio watakaoweza kubadili mwenendo
wa mpambano huu na hatima ya chama chao na taifa letu.
Ndani ya kiwingu cha habari mbaya za ushindi wa nguvu za
fedha katika chaguzi hizi, pia kuna habari njema kiasi. Tofauti na chaguzi
zilizopita, katika chaguzi hizi wapo baadhi ya wagombea waliofanikiwa kushinda
hivi sasa ambao hapo nyuma walishindwa katika kila chaguzi walizokuwa
wakishiriki kutokana na “ushamba” wao wa kutokuamini katika nguvu za fedha na
kujikita katika kampeni za misingi na tamaduni za chama.
Ushindi wa hawa ambao wanaweza kuwa kidogo lakini wenye umuhimu
unaonyesha matumaini na uwezekano wa nguvu za MISINGI ndani ya chama hiki na kutoa
ujumbe kuwa hii kansa ya nguvu za fedha haijakikumba chama kizima. Hivyo endapo
wengi zaidi wa aina hiyo wakiamua kusimama na kupambana, bado kuna uwezekano wa
mpambano wa kuzuia uhodhi na hatimaye uwezekano wa Ufisadi kushika hatamu
kufanikiwa kwa manufaa ya chama chao na taifa letu.
Ni mapambano yaliyojikita katika nguvu za misingi tu na sio
nguvu za fedha ndio yatakayotuepusha na tishio la UFISADI KUSHIKA HATAMU na
madhara yake mengineo. Tishio ambalo kuna uwezekano mkubwa wa kurasimishwa
rasmi hivi karibuni tunapoelekea katika tamati ya chaguzi za ndani za CCM. Na
kama ikishindikana kuzuia tishio hilo sasa basi wote kwa pamoja tujiandae na
hasira za wapiga kura ambao wanaonyesha kila dalili za kukumbatia fikra ya
“bora mbadala na liwalo na liwe” kama fimbo yao kwa wasaliti wa imani yao
waliyoitunuku kwa miaka mingi ndani ya CCM.
Mwandishi ni Mkurugenzi
wa kampuni ya ushauri wa masuala ya siasa, uongozi na maendeleo inayoitwa
TANZANIANJEMA ADVISORY. Anapatikana omar.ilyas@tanzanianjema.com, www.omarilyas.com, twitter; @omarilyas
Ismail Jussa ndiye Amir wa Kweli wa UAMSHO?
17 July 2012
Hatimaye Amir Mkuu wa Kweli wa UAMSHO Ndugu yangu Ismail Jussa afunguka baada ya kuona kuwa vijana wake wameweza kufanya kazi ya kutosha kuipa sura ya UZANZIBARI na sio CUF pekee agenda ya JAMHURI YA ZANZIBAR YENYE MAMLAKA KAMILI NDANI NA NJE NA KUWA NA KITI CHAKE UN ( meaning kuvunja muungano) na baadaye KUFANYA MUUNGANO WA MKATABA (meaning Ushirikiano hafifu kuliko ule wa EAC).
Uthubutu huu wa Jussa kuonyesha wazi uongozi wake katika vuguvugu la UAMSHO ambalo limekuwa likilenga MUUNGANO, UKRISTO Na WATANGANYIKA kama maadui wa USTAARABU na Maendeleo ya Zanzibar umekuja baada ya vijana wake wa CUF waliokuwa wakizunguka kila mahala ambapo Tume Ya Katiba Mpya ilipokuwa ikienda katika Mkoa wa Kusini Unguja ambao unafahamika kama ngome ya CCM kumtaarifu kuwa kati ya watoa maoni, Asilimia 48 waliongelea ajenda ya CUF-UAMSHO ya kuwa na Jamhuri ya Zanzibar yenye Mamlaka Kamili (full sovereignty) ndani na nje na kuwa na kiti chake katika UN, Rais wake anayetambulika ndani na nje ya Zanzibar, Fedha yake, Elimu yake, na Mafuta na Gesi yao pekee huku wengine asilimia 48 kutaka kuendelea na mfumo wa muungano wa sasa lakini kushughulikia matatizo ya Muungano.
Yaani hii ndio athari ya spinning... Unaandaa vijana wako kuwa vocal ktk kila pande ya nchi halafu unajiaminisha kuwa weee una wengi kuliko wenzako. Jussa anajua kuwa ktk kila mkutano wa maoni kulikuwa na kiongozi wa CUF aliyekuwa akicoordinate utoaji wa maoni kwa vijana waliokuwa recruited maalum kwa kushindana na maoni ya wenyeji wengi wa maeneo hayo. Hata maoni hayo yalionekana wazi kufanana kama kujirudiarudia kuanzia nukta hadi nukta na hata watoaji maoni kuwa na karatasi moja iliyochapishwa kwa computer. Na zaidi taarifa nyingi alizokuwa akipewa ndugu yangu Jussa zilikuwa zimechakachuliwa kuonyesha hali nzuri kwa uwasilishaji wa maoni yanayoendana na ajenda ya CUF- UAMSHO.
Ndugu yangu Jussa, moja ya kitu muhimu ni kutambua na kukubali ukweli kuwa Zanzibar imegawanyika. Mgawanyo wa madaraka kwa wakubwa tu hautoshi kuondoa mgawanyiko wa Wazanzibari. Umoja unaotaka tu uone utaweza kujengwa kwa kwanza kuwa na MCHAKATO WA TUME AMA KAMATI YA UKWELI, UWAZI NA MARIDHIANO ya wazanzibari wote na still itachukua generations kuondoa huwa mgawanyiko na kujenga umoja wa kihalisia. Kushikamana dhidi ya adui Tanganyika cum Ukristo haitoshi kujiaminisha kuwa ni wamoja. Maoni anayoripoti Jussa kwa ajili ya kujenga ama kuhalalisha ajenda ya CUF kuwa ni ya Wazanzibari wote ama wengi ambayo ingawa kuna mengi amekosea/kupotosha ama anapotoshwa na mengine hajaripoti yanaweza kuangaliwa kama mafanikio ya vuguvugu la UAMSHO.
Ni wazi kuwa matumizi na strategy ya UAMSHO ina uungwaji mkono wa wasiokubaliana na ajenda kuu ya UDINI ya UAMSHO, yaani wale kutoka HIZBU cum CUF na CCM cum ASP masalia wamekuwa wadau wa harakati za UAMSHO. Wakati ni wazi kuwa UAMSHO ni tawi la siasa za CUF wasizoweza kuzifanya katika mazingira ya SERIKALI YA PAMOJA, Ni wazi pia vuguvugu la UAMSHO lina wadau wa pande zote za kisasa na kijamii katika Zanziba.
Wote kwa upande wa HIZBU-CUF na CCM- ASP masalia wanaamini katika kutumia UAMSHO kujenga mazingira ya majadiliano yatakayoweza kulazimu wauumini wa MUUNGANO thabiti katika mchakato huu wa katiba mpya kuwa tayari kucompromise kwa kutoa madaraka zaidi ya ZANZIBAR hasa yale yaendanayo na UTAMBULISHO wa UZANZIBARI (Zanzibar Pro Arab cum Islam Identity - nationalism) kwanza kwa upande mmoja na UHURU wa kumalizana wenyewe kwa upande mwengine (CCM - ASP masalia wanaoamini kuwa MUUNGANO unawazuia kuendeleza dhana ya Mapinduzi Daima).
Wote wanakubaliana katika kutukuza UZANZIBARI KWANZA ingawa naamini hawajatambua athari ama challenges za mashirikiano haya ya sasa huko tuendako. Ofcourse kuna wengine wana maslahi yao hasa unyang'anyi waliokuwa wakiufanya dhidi ya wazanzibari na ili kulinda maslahi yao dhidi ya uwezekano wa Uongozi wa Serikali ya Pamoja kuchukua hatua za kurekebisha ufisadi uliokuwa ukiendelea katika tawala za nyuma sasa wameamua kuungana na CUF-UAMSHO ili kumtikisa Rais Shein na Makamu wa Rais wake wasipate nafasi ya kuyanhughulikia mambo hayo. Ni wazi ndugu zangu wameshindwa kusoma alama za nyakati kutoka kwa yanayotokea MALI kwa muktadha ANSAR DEEN na TUAREGS ambayo ni somo muhimu kutiliwa maanani katika haraka zao.
Kimoja anachosahau ama kutojali ndugu yangu Jussa ni kuwa Tanganyika ama watanganyika hawaihitaji sana Zanzibar hadi kuwa tayari na UNDUGU wa kutokuaminiana na uliojaa chuki dhidi yao. Zaidi kwa mwenendo huu Wazanzibari wasishangae watanzania watakapokuja kuwa maadui wa Zanzibar na Maswahiba wa Kenya katika safari ya Ujenzi wa Shirikisho au Muungano wa AFRIKA MASHARIKI. Sasa tutegemee motion ya Kuvunja Muungano katika Baraza la Wawakilishi hivi karibuni...
Hatimaye Amir Mkuu wa Kweli wa UAMSHO Ndugu yangu Ismail Jussa afunguka baada ya kuona kuwa vijana wake wameweza kufanya kazi ya kutosha kuipa sura ya UZANZIBARI na sio CUF pekee agenda ya JAMHURI YA ZANZIBAR YENYE MAMLAKA KAMILI NDANI NA NJE NA KUWA NA KITI CHAKE UN ( meaning kuvunja muungano) na baadaye KUFANYA MUUNGANO WA MKATABA (meaning Ushirikiano hafifu kuliko ule wa EAC).
Uthubutu huu wa Jussa kuonyesha wazi uongozi wake katika vuguvugu la UAMSHO ambalo limekuwa likilenga MUUNGANO, UKRISTO Na WATANGANYIKA kama maadui wa USTAARABU na Maendeleo ya Zanzibar umekuja baada ya vijana wake wa CUF waliokuwa wakizunguka kila mahala ambapo Tume Ya Katiba Mpya ilipokuwa ikienda katika Mkoa wa Kusini Unguja ambao unafahamika kama ngome ya CCM kumtaarifu kuwa kati ya watoa maoni, Asilimia 48 waliongelea ajenda ya CUF-UAMSHO ya kuwa na Jamhuri ya Zanzibar yenye Mamlaka Kamili (full sovereignty) ndani na nje na kuwa na kiti chake katika UN, Rais wake anayetambulika ndani na nje ya Zanzibar, Fedha yake, Elimu yake, na Mafuta na Gesi yao pekee huku wengine asilimia 48 kutaka kuendelea na mfumo wa muungano wa sasa lakini kushughulikia matatizo ya Muungano.
Yaani hii ndio athari ya spinning... Unaandaa vijana wako kuwa vocal ktk kila pande ya nchi halafu unajiaminisha kuwa weee una wengi kuliko wenzako. Jussa anajua kuwa ktk kila mkutano wa maoni kulikuwa na kiongozi wa CUF aliyekuwa akicoordinate utoaji wa maoni kwa vijana waliokuwa recruited maalum kwa kushindana na maoni ya wenyeji wengi wa maeneo hayo. Hata maoni hayo yalionekana wazi kufanana kama kujirudiarudia kuanzia nukta hadi nukta na hata watoaji maoni kuwa na karatasi moja iliyochapishwa kwa computer. Na zaidi taarifa nyingi alizokuwa akipewa ndugu yangu Jussa zilikuwa zimechakachuliwa kuonyesha hali nzuri kwa uwasilishaji wa maoni yanayoendana na ajenda ya CUF- UAMSHO.
Ndugu yangu Jussa, moja ya kitu muhimu ni kutambua na kukubali ukweli kuwa Zanzibar imegawanyika. Mgawanyo wa madaraka kwa wakubwa tu hautoshi kuondoa mgawanyiko wa Wazanzibari. Umoja unaotaka tu uone utaweza kujengwa kwa kwanza kuwa na MCHAKATO WA TUME AMA KAMATI YA UKWELI, UWAZI NA MARIDHIANO ya wazanzibari wote na still itachukua generations kuondoa huwa mgawanyiko na kujenga umoja wa kihalisia. Kushikamana dhidi ya adui Tanganyika cum Ukristo haitoshi kujiaminisha kuwa ni wamoja. Maoni anayoripoti Jussa kwa ajili ya kujenga ama kuhalalisha ajenda ya CUF kuwa ni ya Wazanzibari wote ama wengi ambayo ingawa kuna mengi amekosea/kupotosha ama anapotoshwa na mengine hajaripoti yanaweza kuangaliwa kama mafanikio ya vuguvugu la UAMSHO.
Ni wazi kuwa matumizi na strategy ya UAMSHO ina uungwaji mkono wa wasiokubaliana na ajenda kuu ya UDINI ya UAMSHO, yaani wale kutoka HIZBU cum CUF na CCM cum ASP masalia wamekuwa wadau wa harakati za UAMSHO. Wakati ni wazi kuwa UAMSHO ni tawi la siasa za CUF wasizoweza kuzifanya katika mazingira ya SERIKALI YA PAMOJA, Ni wazi pia vuguvugu la UAMSHO lina wadau wa pande zote za kisasa na kijamii katika Zanziba.
Wote kwa upande wa HIZBU-CUF na CCM- ASP masalia wanaamini katika kutumia UAMSHO kujenga mazingira ya majadiliano yatakayoweza kulazimu wauumini wa MUUNGANO thabiti katika mchakato huu wa katiba mpya kuwa tayari kucompromise kwa kutoa madaraka zaidi ya ZANZIBAR hasa yale yaendanayo na UTAMBULISHO wa UZANZIBARI (Zanzibar Pro Arab cum Islam Identity - nationalism) kwanza kwa upande mmoja na UHURU wa kumalizana wenyewe kwa upande mwengine (CCM - ASP masalia wanaoamini kuwa MUUNGANO unawazuia kuendeleza dhana ya Mapinduzi Daima).
Wote wanakubaliana katika kutukuza UZANZIBARI KWANZA ingawa naamini hawajatambua athari ama challenges za mashirikiano haya ya sasa huko tuendako. Ofcourse kuna wengine wana maslahi yao hasa unyang'anyi waliokuwa wakiufanya dhidi ya wazanzibari na ili kulinda maslahi yao dhidi ya uwezekano wa Uongozi wa Serikali ya Pamoja kuchukua hatua za kurekebisha ufisadi uliokuwa ukiendelea katika tawala za nyuma sasa wameamua kuungana na CUF-UAMSHO ili kumtikisa Rais Shein na Makamu wa Rais wake wasipate nafasi ya kuyanhughulikia mambo hayo. Ni wazi ndugu zangu wameshindwa kusoma alama za nyakati kutoka kwa yanayotokea MALI kwa muktadha ANSAR DEEN na TUAREGS ambayo ni somo muhimu kutiliwa maanani katika haraka zao.
Kimoja anachosahau ama kutojali ndugu yangu Jussa ni kuwa Tanganyika ama watanganyika hawaihitaji sana Zanzibar hadi kuwa tayari na UNDUGU wa kutokuaminiana na uliojaa chuki dhidi yao. Zaidi kwa mwenendo huu Wazanzibari wasishangae watanzania watakapokuja kuwa maadui wa Zanzibar na Maswahiba wa Kenya katika safari ya Ujenzi wa Shirikisho au Muungano wa AFRIKA MASHARIKI. Sasa tutegemee motion ya Kuvunja Muungano katika Baraza la Wawakilishi hivi karibuni...
CCM bado ipo ipo!!
04/4/2012
Mnamo tarehe 1 Aprili 2012 wakati kukiwa na fununu kuwa CHADEMA inaelekea kushinda katika uchaguzi mdogo katika jimbo la Arumeru Mashiriki ambapo CHADEMA iliwakilishwa na Nasari na CCM iliwakilishwa na mtoto wa aliyekuwa mbunge wa jimbo hilo ambaye pia ni Mkwe wa Lowassa, Sioi Sumari, nilisema kuwa Ushindi huo wa CHADEMA unapaswa kushangiliwa na wana CCM-asilia kwa kuwa ni baraka iliyojificha kwa chama chao na taifa kwa ujumla.
Ninaposema CCM asilia nina maana ya wale wanaCCM ambao wanaamini katika aina ya CCM inayofuata dira ya Mwalimu Nyerere na kuamini katika matakwa ya watanzania walio wengi katika kulinda na kutetea UTU wa mtanzania.
Hawa ni wana CCM ambao kwa dhati kabisa wanaumizwa na hali ya cham chao kisera, kiitikadi na kiutendaji lakini wameamua ama wanalazimika kujikalia pembeni na kunung’unika tu wakisubiri kudura za mungu kuiokoa chama chao na pia hatima ya taifa lao;
Hapa chini ni ufafanuzi wa mtazamo wangu huo kama nilivyo ombwa na dada Jokate Mwegelo;
Lakini pia kwa wanaoamini kuwa Ushindi wa CHADEMA kule Arumeru Mashariki ni ishara kuwa mwisho wa CCM umekaribia ni muhimu kujiuliza masuala yafuatayo kabla kuanza kuandika kumbubukizi la CCM kwa sasa,
Hawa ni wana CCM ambao kwa dhati kabisa wanaumizwa na hali ya cham chao kisera, kiitikadi na kiutendaji lakini wameamua ama wanalazimika kujikalia pembeni na kunung’unika tu wakisubiri kudura za mungu kuiokoa chama chao na pia hatima ya taifa lao;
Hapa chini ni ufafanuzi wa mtazamo wangu huo kama nilivyo ombwa na dada Jokate Mwegelo;
- Ushindi wa Chadema ni kushindwa kwa kundi la lowassa lilokuwa likiamini hii ni nafasi ya kuonyesha nguvu zake (nguvu za pesa).
- Kushindwa kwa Lowassa ni muendelezo wa viashiria kadhaa vya hivi karibuni ikiwemo kukatwa majina ya watu wake waliokua wakitaka kugombea ubunge wa EAC na hii inapunguza myth ya kuwa ni rais mtarajiwa hivyo watu wake wengi wataanza kumkimbia na kupunguza "nguvu zake"/mgawanyiko ndani ya CCM.
- Kushindwa kwa CCM Arumeru kunajenga picha kuwa kuanguka kwake ni kitu kinachowezekana hivyo hii inakuwa kama kichocheo cha umuhimu wa mabadiliko ndani ya CCM na pia kuongeza idadi na nguvu ya wanamabadiliko dhidi ya wahafidhina wanaoendelea kuamini ktk nguvu ya fedha na dola.
- Pia Ukichukulia kuwa CCM imekuwa tayari kubadilika kila waonapo dalili ya kupoteza nafasi ya utawala ni wazi speed ya mabadiliko ya lazima itaongezeka.
Lakini pia kwa wanaoamini kuwa Ushindi wa CHADEMA kule Arumeru Mashariki ni ishara kuwa mwisho wa CCM umekaribia ni muhimu kujiuliza masuala yafuatayo kabla kuanza kuandika kumbubukizi la CCM kwa sasa,
- Je hii ni mara ya kwanza CCM kushindwa uchaguzi mdogo?
- Je CHADEMA kushinda kanda ya Kaskazini ni maajabu?
- Je mhemuko huu wa kisiasa tunaoshuhudia baadaya ushindi huu inazidi ya enzi za Mrema?
- Na kama hakukuwa nia ya kutumia uchaguzi huu kummaliza Lowassa unadhani CCM wangeshindwa kilinda kura zao 6000?
Ukweli ni kuwa CHADEMA inakuwa kwa kasi na ni wazi kuwa kuna kila uwezekano wa chama hiki kuweza kuondoa ukiritimba wa theluthi tatu za uwakilishi wa CCM katika bunge itakapofika uchaguzi ujao. Lakini hadi sasa naweza sema kuwa ingawa mchakato wa CCM wa 2005 uliohitimishwa pale CHIMWAGA ndio ulikuwa mwanzo wa safari yake ya mwisho, safari hiyo inaendelea lakini haijawadia katika hatima yake na CCM bado ipo ipo kwa miaka mingine mbeleni kama chama tawala…
Let's Celebrate the Fall of Elder Comrade....
@Ilyas,O.S
20th October 2011
Salute to the Fallen Elder Comrade Moummar Qaddafi. Your erratic, autocratic and sometimes mediocrity behaviors will be a lesson to all and your unquestionable commitment for the grand Panafrican nationalism will always be cherished and inspire the youthful continent.
You have gone the way you wanted and on the 1st ever Global Dignity day and also Africa's heroes day. Regards to Comrades Felix Moumie, Patrice Lumumba, Thomas Sankara and Samora Machel whom you shared the same spirit and so your fates.
Your fall should not mourned but celebrated by the conscious Afrika. It has awaken many of us, especially the youth of Afrika.It has reminded us on our of perpetual vigilance to protect our hard worn independence and our aspirations as dignified beings. It has united Afrikan hearts and minds. Both the born again democrats and un-repented centralists (they call them dictators).Those against and for status quo!
A lot have been and will be said about the autocratic era of Qaddafi but one thing I know from our history is if those internal and external opponents of Mwalimu Nyerere's ideology, policies and leadership succeeded in toppling him then, most of us we would be singing same tunes like those celebrating Qaddafi demise.
Its only that he saw it coming and stepped aside for us to establish and inspire mfumofisadi (corrupt system) we now suffering from that we recognized his noble contribution to our lives and the continent at the expense of our mediocre freedom we now abuse instead of using for our development.
Only when we became captives of domestic and foreign manyang'au whom Qaddafi called the "vultures" of the small people dignity we came to appreciate the blessing of having Mwalimu as our founding Elder Leader!
As Comrade Samora Machel whom we are commemorating 25 anniversary of his death used to say...Aluta Continua
20th October 2011
Salute to the Fallen Elder Comrade Moummar Qaddafi. Your erratic, autocratic and sometimes mediocrity behaviors will be a lesson to all and your unquestionable commitment for the grand Panafrican nationalism will always be cherished and inspire the youthful continent.
You have gone the way you wanted and on the 1st ever Global Dignity day and also Africa's heroes day. Regards to Comrades Felix Moumie, Patrice Lumumba, Thomas Sankara and Samora Machel whom you shared the same spirit and so your fates.
Your fall should not mourned but celebrated by the conscious Afrika. It has awaken many of us, especially the youth of Afrika.It has reminded us on our of perpetual vigilance to protect our hard worn independence and our aspirations as dignified beings. It has united Afrikan hearts and minds. Both the born again democrats and un-repented centralists (they call them dictators).Those against and for status quo!
A lot have been and will be said about the autocratic era of Qaddafi but one thing I know from our history is if those internal and external opponents of Mwalimu Nyerere's ideology, policies and leadership succeeded in toppling him then, most of us we would be singing same tunes like those celebrating Qaddafi demise.
Its only that he saw it coming and stepped aside for us to establish and inspire mfumofisadi (corrupt system) we now suffering from that we recognized his noble contribution to our lives and the continent at the expense of our mediocre freedom we now abuse instead of using for our development.
Only when we became captives of domestic and foreign manyang'au whom Qaddafi called the "vultures" of the small people dignity we came to appreciate the blessing of having Mwalimu as our founding Elder Leader!
As Comrade Samora Machel whom we are commemorating 25 anniversary of his death used to say...Aluta Continua
TULIKOTOKA: MWANZO WA SAFARI YA MWISHO YA CCM
Katika kuendeleza maoni yangu kuhusu umuhimu wa CHADEMA kushinda kwa kushindwa sasa ni vizuri kurudia makala hii hapa chini ambayo niliandika miaka sita iliyopita mara baada ya mchakato wa kupata mgombea nafasi ya Urais wa Jamhuri na Muungano kupitia tiketi ya CCM......
TULIKOTOKA: MWANZO WA SAFARI YA MWISHO YA CCM
Na Ilyas, O.S
20/05/2005
Ni ukweli usiopingika kuwa matokeo ya uchaguzi wa mgombea wa nafasi ya urais katika Chama Cha Mapinduzi yameweza kuliepusha kundi hili kisiasa katika hatari ya kugawanyika kwa kasi kama ilivyokuwa ikionekana awali.
Naongelea dhana ya kugawanyika kwa kasi tu, kwa kuwa nina uhakika kuwa mwenendo mzima wa siasa za uchaguzi huo na mambo kadhaa yaliyojitokeza katika siku za mwisho za shughuli hizo ndani ya chama hicho, zimeleta mgawanyiko mkubwa na wa hatari zaidi utakaodumu daima.
Hata kama kwa njia za ajabu mno ndugu hawa wameweza kumchagua mtu ambaye kwa maoni yao wana uhakika wa kuendelea kutawala watazania kwa miongo kadhaa ijayo.
Ni wazi kuwa CCM ya sasa si ile tena iliyokuwa ikiwavutia watu kwa utulivu wake, uongozi wa kufuata maadili ya utanzania, falsafa zake zenye kujali utu, kupinga ubaguzi na mengineyo mengi mazuri yaliyokuwa yakitofautisha chama hiki na makundi mengine ya kisiasa.
Chama cha mapinduzi kama ilivyo kwa vyama vingine vikubwa tawala barani afrika, kimepitia mabadiliko mbalimbali hadi kufikia sasa.
Mabadiliko hayo yameanzia kutoka kuwa chama cha ukombozi, kikaja kuwa chama cha kujenga utaifa na baadaye kuwa chama cha kuimarisha uchumi na kuboresha maisha ya watanzania kabla ya sasa kugeuka kuwa chama cha kuhakikisha kuendelea kubaki madarakani kwa tabaka tawala.
Mbadiliko huu umekuja kutokana na nguvu mbalimbali za kimfumo na mabadiliko ya kisiasa na kiuchumi duniani ambayo yamepelekea washika dau wa chama hiki ambao mwanzo walijitahidi kukabiliana vilivyo, kuamua kufuata mkondo wa mabadiliko ili kuweza kuendelea kuongoza taifa hili.
Mfano mkubwa wa mabadiliko haya nje ya mipaka yetu ni chama cha Labour cha Uingereza kinachoongozwa na mwanasiasa “kijana” machachari Tony Blair. Chama ambacho wiki iliyopita kilipata pigo kubwa la kisiasa kwa kupoteza viti vingi katika baraza la wanaojiita wawakilishi wa makabwela.
Kama ilivyokuwa CCM, chama hiki kilianzishwa kama kundi la kutetea wafanyakazi na makabwela wa Taifa hilo la kibwanyenye.
Kama ilivyo kwa vyama vingi vya aina hii duniani, chama cha Labour kama kilivyokuwa CCM hapo awali, kilikuwa ni chama kinachoendeshwa na misingi na falsafa madhubuti za kutetea wanyonge.
Falsafa na misingi ambayo walijiwekea ili kila anayetaka kuchaguliwa kukiongoza chama hicho na hivyo kugombea nafasi ya kuongoza serikali ya Uingereza alipaswa kuonyesha wazi kuwa ni mfuasi makini na mwaminifu wa misingi hiyo kwa kauli thabiti na vitendo.
Mabadiliko ya kisiasa na kiuchumi duniani yalikipelekea chama hicho kukosa mvuto wa kuaminiwa na wapiga kura wengi na hivyo kuwekwa kando katika kuingoza Uingereza kwa miaka kadhaa.
Hali hiyo iliwapelekea kundi dogo la wanasiasa vijana machachari wa chama hicho akiwemo bwana Mandelson ambaye aliwahi kuishi Musoma, Tanzania kwa miaka kadhaa akitafiti siasa ya ujama na kujitegemea na utaalamu wa kiuongozi wa baba wa Taifa, kuja na mbinu mpya walioita LABOUR MPYA.
Tofauti na Labour ya kihistoria, New Labour kama ilivyo CCM hivi sasa, ililenga matumizi ya siasa za kubabaisha zilizo tofauti na misingi na falsafa asilia ya chama hicho ili kuweza kuwalaghai wapiga kura waliokitupa, kukichagua na kukirudisha madarakani.
Kwao wao ni kuwa mara baada ya kurudi madarakani wangeweza kuzirejesha siasa makini za kihistoria za chama hicho na hivyo kuendeleza misingi na falsafa zake asilia kwa mtindo unaoendana na wakati uliopo.
Kama hapo baadae ilivyokuwa kwa upande wa wahafidhina wa chama cha Republican cha Marekani walipomchagua George W Bush kuwauzia fikira zao za kulinda nafasi ya ubabe wa marekani duniani, Mandelson na wenzake waliamua kumchagua mwanasiasa machachari aliyekuwa akikubalika wakati huo yaani Tony Blair kuongoza mpango huo.
Matokeo yake ni hali inayonekana hivi sasa huko Uingereza. Sio tu chama hicho kimegeuka kuwa cha kinyang’au zaidi kuliko chama cha mahafidhina wa kijadi cha Conservative, hivi sasa kinaelekea kaburini kwa mwendo wa kasi mno.
Kitu pekee kinachowezesha wao kuwa madarakani hadi hivi leo sio uhalali wa kidhati kutoka kwa wananchi isipokuwa propaganda za kuwapumbaza wapiga kura.
Propaganda zinazolenga kuwaweka mateka Waingereza walio wengi kwa kutumia dhana ya kuwa hakuna mwengine mwenye mvuto kama yeye anayeweza kuwalinda waingereza kwa madhila makubwa zidi kutoka kwa chama cha wahafidhina.
Ukiangalia mlolongo mzima wa historia ya chama cha Labour ni wazi kuwa kuna mambo yanayoshabihiana na hali inayojikita ndani ya chama cha mapinduzi.
Hapo zamani hata baada ya kuruhusu siasa za vyama vingi chama cha mapinduzi kilikuwa ni chama kilichokuwa kinapata wafuasi wengi kutokana na hali ya kuwa wengi wa wananchi hawa walikuwa wakijinasabisha na misingi na falsafa za chama hicho.
Hata kama wengi walikuwa wakikatishwa tamaa na matendo ya viongozi walio wengi wa chama hicho ambayo ni tofauti na sura yake asili, kuwepo kwa umakini wa kimaamuzi haswa yale makubwa kama vile mtiririko mzima wa kubadilishana madaraka kuliwapa faraja wanachi wengi waliokuwa wanaendelea kukata tamaa.
Hili na lile la kuwepo kwa baadhi ya viongozi wachache ambao tofauti na walio wengi, kauli zao na matendo yao yenye kuonyesha kuendelea kwao kuamini misingi na falsafa asilia za chama hicho, kuliwapa moyo wa matumaini watanzania walio wengi, wanachama na wasio wanachama.
Hali hii iliweza kuwazuia wanachama waaminifu wa chama hicho vijana kwa wazee, wenye sifa za umakini wa hali ya juu kutokisusa ama kutohama chama hicho kwa muda mrefu sasa.
Wengi hawa walikuwa bado wakiamini kuwa ipo siku chama hiki kitapata uongozi imara na makini utakaowezesha kurudisha chama na nchi yetu katika mstari ulionyooka na kuachana na siasa za sera za kukurupuka kwa minajili ya kuwalaghai wapiga kura tu.
Ndio maana hata hivi karibuni tulipokuwa tukishuhudia siasa chafu za kupindukia mipaka ya utanzania na ubinadamu kwa ujumla, bado walikuwepo waliukuwa wakiamini kuwa mwishoni busara za uongozi wa chama hicho zingesimama na kurekebisha mambo.
Hata hivyo hilo halikutuokea na waliukuwa wakiaminiwa kwa kazi hiyo ama walinyamaza kimya, walinyamazishwa au waliamua kukubali yaishe na kubariki siasa chafu zenye kukiuka misingi madhubuti ya chama hicho kutawala maamuzi ya vikao vyake vikuu.
Yote yanaweza kufumbiwa macho lakini kitendo cha Mwenyekiti wa chama hicho kuamua kuzuia taarifa ya siri ya sekretarieti ya maadili ya chama hicho iliyokuwa ikielezea vigezo vya kimaadili vya wagombea wote kuzungumziwa na wanakamati kuu ni kosa kubwa la kihistoria.
Maelezo kuwa wote wametoa rushwa hivyo wote sawa, kwa kweli ni upuuzi wa hali ya juu ambao kamwe hakuna aliyefikiri kuna siku Mwenyekiti wa chama hicho anaweza akaufanya.
Hata kama historia na tafiti mbalimbali zinaonyesha wazi kuwa chama hiki kimekuwa kikumbatia rushwa na kiongozi wake kuishia kutoa vitisho vya mdomo tu, lakini inapofika mkuu huyo anahalalisha uchafu huo ambao ni tofauti na nguzo kuu asili za chama hicho ati kwa kuepusha kubomoka kwa chama, ni wazi safari ya mwisho imewadia.
Lingine ni lile la kuruhusu wanakamati kuu ambao wengine ni viongozi waandamizi bila ya aibu kutumia siasa ya ubaguzi ndani ya vikao vikuu kama hivyo.
Pale machizi mbalimbali walioshindwa maisha walipokuwa wakitumia siasa haramu na chafu kama hizo kwenye vyombo mbalimbali vya habari, halali na haramu, baadhi ya watanzania makini ambao ndio walikuwa ngome ya mwisho wa chama hiki waliweza kuelewa na kuvumilia.
Lakini pale anapokuja mtu mkubwa kama waziri mwandamizi akasimama akipinga kuchaguliwa kwa fulani kwa kuwa amezaliwa akiwa na mchanganyo wa kabila au rangi fulani, na wakubwa hao wakapigia makofi, kunyamaza au Mwenyekiti akahalalisha jambo hilo kama ni demokrasia, kwa kweli hiyo ni ishara mbaya mno.
Vilevile ni dalili mbaya pale wakuu wa chama hicho na haswa wazee wenye busara waliokuwa katika makuzi ya siasa asilia za chama hicho na wengine kushiriki katika ujenzi wake wanapokuwa tayari kuweka kando maslahi ya watanzania kwa ujumla na kujali ushindi wa chama tu kama dira yao kuu ya kufanya maamuzi.
Ushindi ambao kwao wao ni muhimu tu kutokana na uhakikisho wa kuwa wao na vizazi vyao vitaendelea kuwa madarakani daima milele hata kama ishara zinaonyesha kupotea kabisa kwa utaifa wetu ambao ndio umekuwa nguzo yetu muhimu kama nchi na jamii staarabu.
Kwa ujumla ingawa wengi wanaamini kuwa chama cha mapinduzi kimeweza kuvuka mtihani mkubwa kwa ushindi, ni wazi kuwa ushindi huo unaendana na kujisimika rasmi kwa siasa mpya zisizojali misingi na falsafa asilia za chama hicho ambazo kwa kweli ndizo zimekuwa nguzo kuu za kuendelea kwa uimara wake wakati wote huu.
Siasa hizi mpya ambazo zinalenga wingi wa kura tu na sio mipango madhubuti ya muda mrefu yenye kulenga kustawisha jamii kwa mapana na marefu daima haziwezi kuifanya CCM kuendelea kuwa chama cheney mvuto asili ambo hata kama mambo hayaenda sawa wananchi wataendelea kukiamini na kikihamini.
Siasa hizi zinazofuata mbinu za soko huria ambazo zinalenga kumnadi mtu kama bidhaa nyingine sokoni zinafanya chama hicho kutegemea uhalali wa umaarufu wa mwanasiasa huyo tu na sio mapenzi na imani juu ya chama hicho.
Bahati mbaya umaarufu huu unajengwa na matarajio hewa ndani ya mioyo ya wananchi, ambayo ama kwa mapungufu ya kiutendaji ya mwanasiasa huyo au ya kimfumo ni vigumu kuyafanikisha.
Hivyo basi kukifanya chama hicho kuwa mateka wa mwanasiasa huyo na wajanja wachache waliomzunguka wanye uwezo wa kucheza na akili za wapiga kura kwa muda Fulani tu.
Hawa huwezesha hilo kwa kutumia mbinu mbalimbali za kihadaa ambazo daima huishia ama kuvuruga jamii au kuchokwa na wapiga kura.
Wapo wanaofikiri kuwa kupatikana kwa mgombea na baadaye kiongozi mwenye mvuto kama aliyechaguliwa hivi karibuni kuwa ni silaha muhimu ya kuhakikisha uimara wa chama hiki.
Mimi nasema ndio lakini ni kwa muda mfupi tu na hiyo hiyo ndiyo silaha ya kujiangamiza kwa muda mrefu.
Ni wazi ushindi uliopatikana Dodoma hivi karibuni ni mwanzo wa safari isiyo rasmi ya mwisho ya chama cha mapinduzi.
TULIKOTOKA: MWANZO WA SAFARI YA MWISHO YA CCM
Na Ilyas, O.S
20/05/2005
Ni ukweli usiopingika kuwa matokeo ya uchaguzi wa mgombea wa nafasi ya urais katika Chama Cha Mapinduzi yameweza kuliepusha kundi hili kisiasa katika hatari ya kugawanyika kwa kasi kama ilivyokuwa ikionekana awali.
Naongelea dhana ya kugawanyika kwa kasi tu, kwa kuwa nina uhakika kuwa mwenendo mzima wa siasa za uchaguzi huo na mambo kadhaa yaliyojitokeza katika siku za mwisho za shughuli hizo ndani ya chama hicho, zimeleta mgawanyiko mkubwa na wa hatari zaidi utakaodumu daima.
Hata kama kwa njia za ajabu mno ndugu hawa wameweza kumchagua mtu ambaye kwa maoni yao wana uhakika wa kuendelea kutawala watazania kwa miongo kadhaa ijayo.
Ni wazi kuwa CCM ya sasa si ile tena iliyokuwa ikiwavutia watu kwa utulivu wake, uongozi wa kufuata maadili ya utanzania, falsafa zake zenye kujali utu, kupinga ubaguzi na mengineyo mengi mazuri yaliyokuwa yakitofautisha chama hiki na makundi mengine ya kisiasa.
Chama cha mapinduzi kama ilivyo kwa vyama vingine vikubwa tawala barani afrika, kimepitia mabadiliko mbalimbali hadi kufikia sasa.
Mabadiliko hayo yameanzia kutoka kuwa chama cha ukombozi, kikaja kuwa chama cha kujenga utaifa na baadaye kuwa chama cha kuimarisha uchumi na kuboresha maisha ya watanzania kabla ya sasa kugeuka kuwa chama cha kuhakikisha kuendelea kubaki madarakani kwa tabaka tawala.
Mbadiliko huu umekuja kutokana na nguvu mbalimbali za kimfumo na mabadiliko ya kisiasa na kiuchumi duniani ambayo yamepelekea washika dau wa chama hiki ambao mwanzo walijitahidi kukabiliana vilivyo, kuamua kufuata mkondo wa mabadiliko ili kuweza kuendelea kuongoza taifa hili.
Mfano mkubwa wa mabadiliko haya nje ya mipaka yetu ni chama cha Labour cha Uingereza kinachoongozwa na mwanasiasa “kijana” machachari Tony Blair. Chama ambacho wiki iliyopita kilipata pigo kubwa la kisiasa kwa kupoteza viti vingi katika baraza la wanaojiita wawakilishi wa makabwela.
Kama ilivyokuwa CCM, chama hiki kilianzishwa kama kundi la kutetea wafanyakazi na makabwela wa Taifa hilo la kibwanyenye.
Kama ilivyo kwa vyama vingi vya aina hii duniani, chama cha Labour kama kilivyokuwa CCM hapo awali, kilikuwa ni chama kinachoendeshwa na misingi na falsafa madhubuti za kutetea wanyonge.
Falsafa na misingi ambayo walijiwekea ili kila anayetaka kuchaguliwa kukiongoza chama hicho na hivyo kugombea nafasi ya kuongoza serikali ya Uingereza alipaswa kuonyesha wazi kuwa ni mfuasi makini na mwaminifu wa misingi hiyo kwa kauli thabiti na vitendo.
Mabadiliko ya kisiasa na kiuchumi duniani yalikipelekea chama hicho kukosa mvuto wa kuaminiwa na wapiga kura wengi na hivyo kuwekwa kando katika kuingoza Uingereza kwa miaka kadhaa.
Hali hiyo iliwapelekea kundi dogo la wanasiasa vijana machachari wa chama hicho akiwemo bwana Mandelson ambaye aliwahi kuishi Musoma, Tanzania kwa miaka kadhaa akitafiti siasa ya ujama na kujitegemea na utaalamu wa kiuongozi wa baba wa Taifa, kuja na mbinu mpya walioita LABOUR MPYA.
Tofauti na Labour ya kihistoria, New Labour kama ilivyo CCM hivi sasa, ililenga matumizi ya siasa za kubabaisha zilizo tofauti na misingi na falsafa asilia ya chama hicho ili kuweza kuwalaghai wapiga kura waliokitupa, kukichagua na kukirudisha madarakani.
Kwao wao ni kuwa mara baada ya kurudi madarakani wangeweza kuzirejesha siasa makini za kihistoria za chama hicho na hivyo kuendeleza misingi na falsafa zake asilia kwa mtindo unaoendana na wakati uliopo.
Kama hapo baadae ilivyokuwa kwa upande wa wahafidhina wa chama cha Republican cha Marekani walipomchagua George W Bush kuwauzia fikira zao za kulinda nafasi ya ubabe wa marekani duniani, Mandelson na wenzake waliamua kumchagua mwanasiasa machachari aliyekuwa akikubalika wakati huo yaani Tony Blair kuongoza mpango huo.
Matokeo yake ni hali inayonekana hivi sasa huko Uingereza. Sio tu chama hicho kimegeuka kuwa cha kinyang’au zaidi kuliko chama cha mahafidhina wa kijadi cha Conservative, hivi sasa kinaelekea kaburini kwa mwendo wa kasi mno.
Kitu pekee kinachowezesha wao kuwa madarakani hadi hivi leo sio uhalali wa kidhati kutoka kwa wananchi isipokuwa propaganda za kuwapumbaza wapiga kura.
Propaganda zinazolenga kuwaweka mateka Waingereza walio wengi kwa kutumia dhana ya kuwa hakuna mwengine mwenye mvuto kama yeye anayeweza kuwalinda waingereza kwa madhila makubwa zidi kutoka kwa chama cha wahafidhina.
Ukiangalia mlolongo mzima wa historia ya chama cha Labour ni wazi kuwa kuna mambo yanayoshabihiana na hali inayojikita ndani ya chama cha mapinduzi.
Hapo zamani hata baada ya kuruhusu siasa za vyama vingi chama cha mapinduzi kilikuwa ni chama kilichokuwa kinapata wafuasi wengi kutokana na hali ya kuwa wengi wa wananchi hawa walikuwa wakijinasabisha na misingi na falsafa za chama hicho.
Hata kama wengi walikuwa wakikatishwa tamaa na matendo ya viongozi walio wengi wa chama hicho ambayo ni tofauti na sura yake asili, kuwepo kwa umakini wa kimaamuzi haswa yale makubwa kama vile mtiririko mzima wa kubadilishana madaraka kuliwapa faraja wanachi wengi waliokuwa wanaendelea kukata tamaa.
Hili na lile la kuwepo kwa baadhi ya viongozi wachache ambao tofauti na walio wengi, kauli zao na matendo yao yenye kuonyesha kuendelea kwao kuamini misingi na falsafa asilia za chama hicho, kuliwapa moyo wa matumaini watanzania walio wengi, wanachama na wasio wanachama.
Hali hii iliweza kuwazuia wanachama waaminifu wa chama hicho vijana kwa wazee, wenye sifa za umakini wa hali ya juu kutokisusa ama kutohama chama hicho kwa muda mrefu sasa.
Wengi hawa walikuwa bado wakiamini kuwa ipo siku chama hiki kitapata uongozi imara na makini utakaowezesha kurudisha chama na nchi yetu katika mstari ulionyooka na kuachana na siasa za sera za kukurupuka kwa minajili ya kuwalaghai wapiga kura tu.
Ndio maana hata hivi karibuni tulipokuwa tukishuhudia siasa chafu za kupindukia mipaka ya utanzania na ubinadamu kwa ujumla, bado walikuwepo waliukuwa wakiamini kuwa mwishoni busara za uongozi wa chama hicho zingesimama na kurekebisha mambo.
Hata hivyo hilo halikutuokea na waliukuwa wakiaminiwa kwa kazi hiyo ama walinyamaza kimya, walinyamazishwa au waliamua kukubali yaishe na kubariki siasa chafu zenye kukiuka misingi madhubuti ya chama hicho kutawala maamuzi ya vikao vyake vikuu.
Yote yanaweza kufumbiwa macho lakini kitendo cha Mwenyekiti wa chama hicho kuamua kuzuia taarifa ya siri ya sekretarieti ya maadili ya chama hicho iliyokuwa ikielezea vigezo vya kimaadili vya wagombea wote kuzungumziwa na wanakamati kuu ni kosa kubwa la kihistoria.
Maelezo kuwa wote wametoa rushwa hivyo wote sawa, kwa kweli ni upuuzi wa hali ya juu ambao kamwe hakuna aliyefikiri kuna siku Mwenyekiti wa chama hicho anaweza akaufanya.
Hata kama historia na tafiti mbalimbali zinaonyesha wazi kuwa chama hiki kimekuwa kikumbatia rushwa na kiongozi wake kuishia kutoa vitisho vya mdomo tu, lakini inapofika mkuu huyo anahalalisha uchafu huo ambao ni tofauti na nguzo kuu asili za chama hicho ati kwa kuepusha kubomoka kwa chama, ni wazi safari ya mwisho imewadia.
Lingine ni lile la kuruhusu wanakamati kuu ambao wengine ni viongozi waandamizi bila ya aibu kutumia siasa ya ubaguzi ndani ya vikao vikuu kama hivyo.
Pale machizi mbalimbali walioshindwa maisha walipokuwa wakitumia siasa haramu na chafu kama hizo kwenye vyombo mbalimbali vya habari, halali na haramu, baadhi ya watanzania makini ambao ndio walikuwa ngome ya mwisho wa chama hiki waliweza kuelewa na kuvumilia.
Lakini pale anapokuja mtu mkubwa kama waziri mwandamizi akasimama akipinga kuchaguliwa kwa fulani kwa kuwa amezaliwa akiwa na mchanganyo wa kabila au rangi fulani, na wakubwa hao wakapigia makofi, kunyamaza au Mwenyekiti akahalalisha jambo hilo kama ni demokrasia, kwa kweli hiyo ni ishara mbaya mno.
Vilevile ni dalili mbaya pale wakuu wa chama hicho na haswa wazee wenye busara waliokuwa katika makuzi ya siasa asilia za chama hicho na wengine kushiriki katika ujenzi wake wanapokuwa tayari kuweka kando maslahi ya watanzania kwa ujumla na kujali ushindi wa chama tu kama dira yao kuu ya kufanya maamuzi.
Ushindi ambao kwao wao ni muhimu tu kutokana na uhakikisho wa kuwa wao na vizazi vyao vitaendelea kuwa madarakani daima milele hata kama ishara zinaonyesha kupotea kabisa kwa utaifa wetu ambao ndio umekuwa nguzo yetu muhimu kama nchi na jamii staarabu.
Kwa ujumla ingawa wengi wanaamini kuwa chama cha mapinduzi kimeweza kuvuka mtihani mkubwa kwa ushindi, ni wazi kuwa ushindi huo unaendana na kujisimika rasmi kwa siasa mpya zisizojali misingi na falsafa asilia za chama hicho ambazo kwa kweli ndizo zimekuwa nguzo kuu za kuendelea kwa uimara wake wakati wote huu.
Siasa hizi mpya ambazo zinalenga wingi wa kura tu na sio mipango madhubuti ya muda mrefu yenye kulenga kustawisha jamii kwa mapana na marefu daima haziwezi kuifanya CCM kuendelea kuwa chama cheney mvuto asili ambo hata kama mambo hayaenda sawa wananchi wataendelea kukiamini na kikihamini.
Siasa hizi zinazofuata mbinu za soko huria ambazo zinalenga kumnadi mtu kama bidhaa nyingine sokoni zinafanya chama hicho kutegemea uhalali wa umaarufu wa mwanasiasa huyo tu na sio mapenzi na imani juu ya chama hicho.
Bahati mbaya umaarufu huu unajengwa na matarajio hewa ndani ya mioyo ya wananchi, ambayo ama kwa mapungufu ya kiutendaji ya mwanasiasa huyo au ya kimfumo ni vigumu kuyafanikisha.
Hivyo basi kukifanya chama hicho kuwa mateka wa mwanasiasa huyo na wajanja wachache waliomzunguka wanye uwezo wa kucheza na akili za wapiga kura kwa muda Fulani tu.
Hawa huwezesha hilo kwa kutumia mbinu mbalimbali za kihadaa ambazo daima huishia ama kuvuruga jamii au kuchokwa na wapiga kura.
Wapo wanaofikiri kuwa kupatikana kwa mgombea na baadaye kiongozi mwenye mvuto kama aliyechaguliwa hivi karibuni kuwa ni silaha muhimu ya kuhakikisha uimara wa chama hiki.
Mimi nasema ndio lakini ni kwa muda mfupi tu na hiyo hiyo ndiyo silaha ya kujiangamiza kwa muda mrefu.
Ni wazi ushindi uliopatikana Dodoma hivi karibuni ni mwanzo wa safari isiyo rasmi ya mwisho ya chama cha mapinduzi.
CHADEMA Ishinde kwa Kushindwa!
22 Sept 2011
Matukio ya hivi karibuni ambayo yamefanikiwa kupata nafasi ya juu katika vyombo vya habari kuhusiana na Chama cha Demokrasia na Maendeleo (CHADEMA) yamenijengea mtazamo kuwa ili CHADEMA kushinda katika safari ndefu iliyonayo kama mtawala mbadala kinapaswa kushindwa sasa.
Kitendo cha hivi karibu ambapo wafuasi na viongozi wa CHADEMA wakiwa pamoja na wabunge wawili wa chama hicho, Bwana Sylivester Kasulumbayi na Bi Susan Kiwanga kumtusi, kumkwida, kumteka na hata kumdhalilisha mkuu wa wilaya ya Igunga Bi Fatuma Kimario ni muendelezo wa dalili mbaya ya nini kinaendelea ndani ya chama hicho, ni wapi kinaelekea kama kundi la maslahi ya kisiasa na wapi kinaipeleka Tanzania yetu kama taifa.
Hata hivyo itakuwa kosa kuangalia kitendo hiki ambacho mimi nakiita kitendo cha kihuni ingawa wapo wanaothubutu kukiita kitendo cha kishujaa na ukombozi, kama tukio linalosimama pekee. Huu ni muendelezo wa mambo mengi ambayo yamekuwa yakijitokeza ndani na nje ya chama hiki kwa muda mrefu sasa ambayo yamefanya baadhi ya watu ambao hapo kabla walithubutu kuamini kuwa chama hiki kinapaswa kuwa mbadala makini wa utawala wa nchi yetu kukitazama kwa jicho la tahadhari zaidi ya matumaini.
Nadhani sihitaji kuyataja matukio hayo ambayo mengi yamekuwa yakipata nafasi ya kipekee katika vyombo vya habari na mengine yakiwa yanafunikwa haramu ipite. Hapa ningependa kulipitia tukio hili la karibuni kuangalia linaelewekaje na nini athari yake kwa CHADEMA na taifa kwa ujumla endapo wapiga kura wa Igunga ama wataweza au hawataweza kumpa ushindi mgombea wake katika uchaguzi wa tarehe 2 Oktoba 2011.
Kwa miaka kadhaa sasa na tangia kuanzishwa kwa chama hiki, kimekuwa kikiandamwa na tuhuma za ukabila na udini. Yaani chama kinachoweka mbele maslahi ya kabila, eneo na dini fulani. Kabila likiwa wachaga, eneo likiwa la ukanda wa kaskazini wa Tanzania na udini ikiwa wakristo.
Kwa kiasi fulani CHADEMA wamekuwa wakijitahidi kushughulikia tatizo hili ama kwa kukanusha ama kuchukua hatua mbalimbali za tahadhari kujivua tuhuma hizo. Hatua hizo ni pamoja na kuhakikisha mabadiliko ya mara kwa mara ya uongozi wa juu wa chama hicho ikiwemo nafasi ya Mwenyekiti.
Hatua ambayo ilikuwa kwa kiasi fulani ikionyesha dalili za mafaniko hadi mwaka 2009 zilipolazimika kutuwama ambapo kwa mara ya kwanza kilipata mwenyekiti wa kwanza wa zaidi ya muhula mmoja tofauti na ilivyokuwa hapo awali kwa Mwanzilishi Mzee Mtei (Mkristo na mchaga) na baadaye Mzee Makani (Muislamu na Msukuma).
Katika uchaguzi wa mwaka 2009, Mwenyekiti wa sasa Freeman Mbowe (Mkristo na Mchaga) kwa kutumia mbinu kadhaa alifanikiwa kuhalalishwa kuwa kiongozi wa chama hicho kwa kipindi cha pili mfululizo na hivyo kukiuka busara ya mabadiliko ya mara kwa mara ambayo yamekuwa yakihakikisha mwamko mpya(rejuvenation) wa kichama kila baada ya miaka michache.
Mabadiliko ya mara kwa mara ya uongozi wa juu yaliweza kutoa nafasi kwa chama kupanuka na kuondoa kiwingu kuwa chama hiki ni chama cha watanzania wa kabila la Uchaga na wengine ni wasindikizaji tu tofauti na wenzao wa CUF.
Uamuzi huu ulitibua nafasi ya chama hicho kuthibitishia kwa vitendo upotofu wa tuhuma za maadui zake na zaidi umma wa watanzania kuwa sio chama cha kikabila. CHADEMA ikashindwa kujiondoa katika tuhuma hizo na zaidi kujivika rasmi gamba la ukabila na udini mbele ya macho ya walio maadui na hata baadhi ya marafiki wakiwemo wanachama na wafuasi wake.
Kama vile hilo halitoshi, tukielekea katika uchaguzi wa rais na wabunge wa mwaka 2010 ambao CHADEMA ilionyesha muamko mkubwa katika medani za siasa nchini, CHADEMA ama kwa kudhamiria, kutokudhamiria au kwa kulazimika, wakafanya kosa jingine ambalo badala ya kuwanasua katika kiwingu cha ukabila na udini wakajikuta wanajisimika ndani ya wingu la Udini.
Ni ukweli ulio wazi kuwa kwa wa miaka kadhaa, wanamikakati wa CHADEMA wamekuwa wakitamani uungwaji mkono wa Kanisa la Katoliki ambao hadi miaka ya karibuni ulikuwa kama ngome muhimu ya kisiasa kwa CCM. Kwa CHADEMA kupata angalao chembe tu ya uungwaji mkono huo wa kanisa la katoliki katika chama chao ambacho wakati waislamu wamekuwa wakikiona kama chama cha waksrito zaidi, wakatoliki wamekuwa wakikiona kama chama cha Walutheri zaidi ilikuwa ni neema ya moto.
Katika uchaguzi wa mwaka 2010, kwa kiasi fulani CHADEMA ilifanikiwa kupata uungwaji mkono wa kanisa la katoliki kama mfumo imara wa kijamii na kisiasa katika nchi yetu. Hili lilikuja ama kutokana na kanisa hilo kama watanzania wengine kuchukizwa na maovu na usaliti wa Chama cha Mapinduzi (CCM) au kutokana na dalili za uwezekano wa ushindi wa uhakika wa mgombea Urais wa CHADEMA ambaye ni kiongozi wa kiroho na aliyekuwa mtumishi wa ngazi za juu wa chombo nyeti cha kanisa hilo.
Kitendo cha viongozi wa kanisa la Katoliki kuanzisha na kuendeleza mpambano mkali wa majukwaani na katika alteri za kanisa kuwashutumu viongozi wa chama tawala cha CCM na serikali yake inayoongozwa na Rais na Mwenyekiti Muislamu, kabla na hata wakati wa uchaguzi huo kilijenga mtazamo wa kuwa kanisa hilo na hivyo wafuasi wake walipaswa kuiepuka CCM na wagombea wake na hivyo kuashiria kuwa CHADEMA ndio chaguo lao.
Hali hii ilileta mpasuko mkubwa wa kimitazamo katika kuelekea uchaguzi huo na hata baadhi ya wanasiasa, viongozi wa makanisa na misikiti na wapiga debe mbalimbali kuthubutu kuendeleza kampeni za udini. Kampeni zilizolenga ama katika kuhakikisha ushindi wa kutwaa nguvu za dola kwa upande wa CHADEMA na kulinda hatamu ya nguvu hizo kwa upande wa CCM.
Wakati hali hii kwa kiasi fulani iliwezesha kuongeza mafanikio ya CHADEMA katika uchaguzi wa ubunge na hata kura za urais, hali hii ilifanikiwa kusimika rasmi gamba la Udini dhidi ya CHADEMA. Kwa lunga nyingine uchaguzi wa mwaka 2010 kwa upande mmoja ulibariki CHADEMA kama chama cha ushindi kuelekea mwaka 2015 na wakati huohuo kukivika gamba la udini chama hicho ambalo ni kikwazo kwa kutimilika kwa baraka hiyo ya ushindi.
Ni katika muktadha huu wa nyota ya ubarikio wa ushindi kwa upande mmoja na gamba la dalili za laana kwa upande mwengine pamoja na matukio kadhaa tangia baada ya uchaguzi wa mwaka 2010 ndio nalazimika kujenga mtazamo kuwa CHADEMA itashinda mbele kwa kushindwa hivi sasa.
Nasema hivyo kwa kuwa naamini kama ambavyo CCM walivyokumbwa na janga la kusarandiwa, kuvamiwa na baadaye kutekwa na mafisadi, CHADEMA ya sasa sio tu imekuwa kimbilio la wajanjawajanja wanaoamini kuwa katika mtaji wa chuki kuu inayokikumba CCM miongoni mwa watanzania wanaohisi kuwa wamesalitiwa lakini pia wanaoamini kuwa ushindi wao katika duru za siasa na uchumi unahakikishwa zaidi katika CHADEMA.
CHADEMA inageuka kutoka kuwa ngome ya mapambano ya demokrasia na upingaji wa maovu dhidi ya wananchi na taifa lao na kuelekea kuwa ngome ya mafanikio ya urahisi na uhakika kisiasa na kiuchumi.
Hali hii inakifanya CHADEMA kama chama kushindwa kupata nafasi ya kujichunguza na kujitambua na pia kuwa na wanaCHADEMA wakiwemo baadhi ya viongozi wake ambao wako tayari zaidi kujidanganya na kukimbilia kukumbatia siasa hovyohovyo na za hatari kwao binafsi na kwa taifa.Siasa ambazo wanaamini ndizo zinazowavutia zaidi watanzania waliochoka na CCM na kamwe haziwezi kuwageuka.
Kitendo cha viongozi wa chama kuthubutu kumteka na kumburuza kiongozi wa serikali kinafanya wengi wajiulize maswali kama kweli chama hiki ndicho kinapaswa kuwa chama tawala mbadala. Lakini zaidi kitendo cha viongozi wa chama ambacho kinakabiliwa na tuhuma ya udini kumdhalilisha Mwanamama wa Kiislamu kwa kumvua hijabu yake kinaonyesha jinsi gani chama hicho kilivyoingiliwa na watu ambao kwa idiadi yawezekana wakawa mtaji wa kisiasa lakini kwa kimantiki ni mzigo hatari.
Mbaya zaidi badala ya kuangalia ni jinsi gani wanaweza kulisawazisha kosa hilo kubwa kisiasa, wanatokea viongozi wakuu wa chama hicho na kutoa matamsha kama vile mwanamama yule alijitakia kukumbwa na udhalilishaji huo na hata wengine kujaribu kufananisha kitendo hicho cha kihuni na juhudi za viongozi adhimu kama Mwalimu Julius Nyerere na Mzee Madiba Mandela. Kama ambavyo mbunge wa CHADEMA Bwana Tundu Lissu alivyoripotiwa katika magazeti akisema.
Ni wazi kuwa wakati CHADEMA kama chama kinaonyesha kukua kwa kupata wafuasi, washabiki na hata wanachama lukuki, ukuaji huu sio ukuaji wa kuaminika.
Ni ukuaji unaotokana na ubaya wa CCM zaidi ya uzuri wa CHADEMA.
Ni ukuaji ambao unaoetegemea kufaidika na makosa ya CCM na wengine zaidi ya ukuaji wa kufaidika na mikakati madhubuti yenye kujengwa katika misingi imara itakayohimili dharuba na tufani za kisiasa.
Ni ukuaji unaopalia makaa moto wa kujimaliza kuliko ule wa kupanda mbegu za matunda ya kudumu.
Ukweli ni kuwa wakati ushindi wa CHADEMA katika uchaguzi wa Igunga utapelekea viongozi wa aina hii wa CHADEMA na wafuasi wake wengi wenye mitazamo kama ya viongozi hao kuona kuwa siasa za aina hiyo zinalipa na hazina athari kwao, kushindwa katika uchaguzi huu kwaweza kuwa nafasi adimu kwa viongozi wa chama hiki kupata ushujaa wa kukaa chini kujiangalia na kuwa na uthubutu wa kujisahihisha kabla ya ama kukutana na tufani ya kisiasa huko mbeleni au kulifikisha taifa pabaya.
Wenzao wa CCM pamoja na makosa mengi wamekuwa wakiyafanya, kimbuka kidogo cha mwaka 2010 kimewaamsha, kujiangalia na kukubali kujisahihisha kwa njia ya kujivua gamba la ufisadi. CHADEMA kwa upande wake wanapaswa kutikiswa na kaupepo cha kisiasa huko Igunga ili kukubali kujiangalia na kuanza mikakati thabiti ya kujivua magamba ya ukabila na udini ambayo ni hatari zaidi kwake na kwa jamii na taifa letu kwa ujumla zaidi ya lile la ufisadi la CCM.
Lakini zaidi kushindwa kwa CHADEMA sasa kutawezesha uongozi wake na zaidi washabiki wao kuwashinikiza kujisahihisha na kuanza kufikiri na kutenda katika taathira ya hulka ya Serikali Mbadala (Government in waiting) inayosubiri kuongoza taifa hilihili ambalo matendo yao ya sasa yanaelekea kuliharibu.
Kushindwa kwa CHADEMA sasa ni kushinda kwa CHADEMA huko mbeleni.
Matukio ya hivi karibuni ambayo yamefanikiwa kupata nafasi ya juu katika vyombo vya habari kuhusiana na Chama cha Demokrasia na Maendeleo (CHADEMA) yamenijengea mtazamo kuwa ili CHADEMA kushinda katika safari ndefu iliyonayo kama mtawala mbadala kinapaswa kushindwa sasa.
Kitendo cha hivi karibu ambapo wafuasi na viongozi wa CHADEMA wakiwa pamoja na wabunge wawili wa chama hicho, Bwana Sylivester Kasulumbayi na Bi Susan Kiwanga kumtusi, kumkwida, kumteka na hata kumdhalilisha mkuu wa wilaya ya Igunga Bi Fatuma Kimario ni muendelezo wa dalili mbaya ya nini kinaendelea ndani ya chama hicho, ni wapi kinaelekea kama kundi la maslahi ya kisiasa na wapi kinaipeleka Tanzania yetu kama taifa.
Hata hivyo itakuwa kosa kuangalia kitendo hiki ambacho mimi nakiita kitendo cha kihuni ingawa wapo wanaothubutu kukiita kitendo cha kishujaa na ukombozi, kama tukio linalosimama pekee. Huu ni muendelezo wa mambo mengi ambayo yamekuwa yakijitokeza ndani na nje ya chama hiki kwa muda mrefu sasa ambayo yamefanya baadhi ya watu ambao hapo kabla walithubutu kuamini kuwa chama hiki kinapaswa kuwa mbadala makini wa utawala wa nchi yetu kukitazama kwa jicho la tahadhari zaidi ya matumaini.
Nadhani sihitaji kuyataja matukio hayo ambayo mengi yamekuwa yakipata nafasi ya kipekee katika vyombo vya habari na mengine yakiwa yanafunikwa haramu ipite. Hapa ningependa kulipitia tukio hili la karibuni kuangalia linaelewekaje na nini athari yake kwa CHADEMA na taifa kwa ujumla endapo wapiga kura wa Igunga ama wataweza au hawataweza kumpa ushindi mgombea wake katika uchaguzi wa tarehe 2 Oktoba 2011.
Kwa miaka kadhaa sasa na tangia kuanzishwa kwa chama hiki, kimekuwa kikiandamwa na tuhuma za ukabila na udini. Yaani chama kinachoweka mbele maslahi ya kabila, eneo na dini fulani. Kabila likiwa wachaga, eneo likiwa la ukanda wa kaskazini wa Tanzania na udini ikiwa wakristo.
Kwa kiasi fulani CHADEMA wamekuwa wakijitahidi kushughulikia tatizo hili ama kwa kukanusha ama kuchukua hatua mbalimbali za tahadhari kujivua tuhuma hizo. Hatua hizo ni pamoja na kuhakikisha mabadiliko ya mara kwa mara ya uongozi wa juu wa chama hicho ikiwemo nafasi ya Mwenyekiti.
Hatua ambayo ilikuwa kwa kiasi fulani ikionyesha dalili za mafaniko hadi mwaka 2009 zilipolazimika kutuwama ambapo kwa mara ya kwanza kilipata mwenyekiti wa kwanza wa zaidi ya muhula mmoja tofauti na ilivyokuwa hapo awali kwa Mwanzilishi Mzee Mtei (Mkristo na mchaga) na baadaye Mzee Makani (Muislamu na Msukuma).
Katika uchaguzi wa mwaka 2009, Mwenyekiti wa sasa Freeman Mbowe (Mkristo na Mchaga) kwa kutumia mbinu kadhaa alifanikiwa kuhalalishwa kuwa kiongozi wa chama hicho kwa kipindi cha pili mfululizo na hivyo kukiuka busara ya mabadiliko ya mara kwa mara ambayo yamekuwa yakihakikisha mwamko mpya(rejuvenation) wa kichama kila baada ya miaka michache.
Mabadiliko ya mara kwa mara ya uongozi wa juu yaliweza kutoa nafasi kwa chama kupanuka na kuondoa kiwingu kuwa chama hiki ni chama cha watanzania wa kabila la Uchaga na wengine ni wasindikizaji tu tofauti na wenzao wa CUF.
Uamuzi huu ulitibua nafasi ya chama hicho kuthibitishia kwa vitendo upotofu wa tuhuma za maadui zake na zaidi umma wa watanzania kuwa sio chama cha kikabila. CHADEMA ikashindwa kujiondoa katika tuhuma hizo na zaidi kujivika rasmi gamba la ukabila na udini mbele ya macho ya walio maadui na hata baadhi ya marafiki wakiwemo wanachama na wafuasi wake.
Kama vile hilo halitoshi, tukielekea katika uchaguzi wa rais na wabunge wa mwaka 2010 ambao CHADEMA ilionyesha muamko mkubwa katika medani za siasa nchini, CHADEMA ama kwa kudhamiria, kutokudhamiria au kwa kulazimika, wakafanya kosa jingine ambalo badala ya kuwanasua katika kiwingu cha ukabila na udini wakajikuta wanajisimika ndani ya wingu la Udini.
Ni ukweli ulio wazi kuwa kwa wa miaka kadhaa, wanamikakati wa CHADEMA wamekuwa wakitamani uungwaji mkono wa Kanisa la Katoliki ambao hadi miaka ya karibuni ulikuwa kama ngome muhimu ya kisiasa kwa CCM. Kwa CHADEMA kupata angalao chembe tu ya uungwaji mkono huo wa kanisa la katoliki katika chama chao ambacho wakati waislamu wamekuwa wakikiona kama chama cha waksrito zaidi, wakatoliki wamekuwa wakikiona kama chama cha Walutheri zaidi ilikuwa ni neema ya moto.
Katika uchaguzi wa mwaka 2010, kwa kiasi fulani CHADEMA ilifanikiwa kupata uungwaji mkono wa kanisa la katoliki kama mfumo imara wa kijamii na kisiasa katika nchi yetu. Hili lilikuja ama kutokana na kanisa hilo kama watanzania wengine kuchukizwa na maovu na usaliti wa Chama cha Mapinduzi (CCM) au kutokana na dalili za uwezekano wa ushindi wa uhakika wa mgombea Urais wa CHADEMA ambaye ni kiongozi wa kiroho na aliyekuwa mtumishi wa ngazi za juu wa chombo nyeti cha kanisa hilo.
Kitendo cha viongozi wa kanisa la Katoliki kuanzisha na kuendeleza mpambano mkali wa majukwaani na katika alteri za kanisa kuwashutumu viongozi wa chama tawala cha CCM na serikali yake inayoongozwa na Rais na Mwenyekiti Muislamu, kabla na hata wakati wa uchaguzi huo kilijenga mtazamo wa kuwa kanisa hilo na hivyo wafuasi wake walipaswa kuiepuka CCM na wagombea wake na hivyo kuashiria kuwa CHADEMA ndio chaguo lao.
Hali hii ilileta mpasuko mkubwa wa kimitazamo katika kuelekea uchaguzi huo na hata baadhi ya wanasiasa, viongozi wa makanisa na misikiti na wapiga debe mbalimbali kuthubutu kuendeleza kampeni za udini. Kampeni zilizolenga ama katika kuhakikisha ushindi wa kutwaa nguvu za dola kwa upande wa CHADEMA na kulinda hatamu ya nguvu hizo kwa upande wa CCM.
Wakati hali hii kwa kiasi fulani iliwezesha kuongeza mafanikio ya CHADEMA katika uchaguzi wa ubunge na hata kura za urais, hali hii ilifanikiwa kusimika rasmi gamba la Udini dhidi ya CHADEMA. Kwa lunga nyingine uchaguzi wa mwaka 2010 kwa upande mmoja ulibariki CHADEMA kama chama cha ushindi kuelekea mwaka 2015 na wakati huohuo kukivika gamba la udini chama hicho ambalo ni kikwazo kwa kutimilika kwa baraka hiyo ya ushindi.
Ni katika muktadha huu wa nyota ya ubarikio wa ushindi kwa upande mmoja na gamba la dalili za laana kwa upande mwengine pamoja na matukio kadhaa tangia baada ya uchaguzi wa mwaka 2010 ndio nalazimika kujenga mtazamo kuwa CHADEMA itashinda mbele kwa kushindwa hivi sasa.
Nasema hivyo kwa kuwa naamini kama ambavyo CCM walivyokumbwa na janga la kusarandiwa, kuvamiwa na baadaye kutekwa na mafisadi, CHADEMA ya sasa sio tu imekuwa kimbilio la wajanjawajanja wanaoamini kuwa katika mtaji wa chuki kuu inayokikumba CCM miongoni mwa watanzania wanaohisi kuwa wamesalitiwa lakini pia wanaoamini kuwa ushindi wao katika duru za siasa na uchumi unahakikishwa zaidi katika CHADEMA.
CHADEMA inageuka kutoka kuwa ngome ya mapambano ya demokrasia na upingaji wa maovu dhidi ya wananchi na taifa lao na kuelekea kuwa ngome ya mafanikio ya urahisi na uhakika kisiasa na kiuchumi.
Hali hii inakifanya CHADEMA kama chama kushindwa kupata nafasi ya kujichunguza na kujitambua na pia kuwa na wanaCHADEMA wakiwemo baadhi ya viongozi wake ambao wako tayari zaidi kujidanganya na kukimbilia kukumbatia siasa hovyohovyo na za hatari kwao binafsi na kwa taifa.Siasa ambazo wanaamini ndizo zinazowavutia zaidi watanzania waliochoka na CCM na kamwe haziwezi kuwageuka.
Kitendo cha viongozi wa chama kuthubutu kumteka na kumburuza kiongozi wa serikali kinafanya wengi wajiulize maswali kama kweli chama hiki ndicho kinapaswa kuwa chama tawala mbadala. Lakini zaidi kitendo cha viongozi wa chama ambacho kinakabiliwa na tuhuma ya udini kumdhalilisha Mwanamama wa Kiislamu kwa kumvua hijabu yake kinaonyesha jinsi gani chama hicho kilivyoingiliwa na watu ambao kwa idiadi yawezekana wakawa mtaji wa kisiasa lakini kwa kimantiki ni mzigo hatari.
Mbaya zaidi badala ya kuangalia ni jinsi gani wanaweza kulisawazisha kosa hilo kubwa kisiasa, wanatokea viongozi wakuu wa chama hicho na kutoa matamsha kama vile mwanamama yule alijitakia kukumbwa na udhalilishaji huo na hata wengine kujaribu kufananisha kitendo hicho cha kihuni na juhudi za viongozi adhimu kama Mwalimu Julius Nyerere na Mzee Madiba Mandela. Kama ambavyo mbunge wa CHADEMA Bwana Tundu Lissu alivyoripotiwa katika magazeti akisema.
Ni wazi kuwa wakati CHADEMA kama chama kinaonyesha kukua kwa kupata wafuasi, washabiki na hata wanachama lukuki, ukuaji huu sio ukuaji wa kuaminika.
Ni ukuaji unaotokana na ubaya wa CCM zaidi ya uzuri wa CHADEMA.
Ni ukuaji ambao unaoetegemea kufaidika na makosa ya CCM na wengine zaidi ya ukuaji wa kufaidika na mikakati madhubuti yenye kujengwa katika misingi imara itakayohimili dharuba na tufani za kisiasa.
Ni ukuaji unaopalia makaa moto wa kujimaliza kuliko ule wa kupanda mbegu za matunda ya kudumu.
Ukweli ni kuwa wakati ushindi wa CHADEMA katika uchaguzi wa Igunga utapelekea viongozi wa aina hii wa CHADEMA na wafuasi wake wengi wenye mitazamo kama ya viongozi hao kuona kuwa siasa za aina hiyo zinalipa na hazina athari kwao, kushindwa katika uchaguzi huu kwaweza kuwa nafasi adimu kwa viongozi wa chama hiki kupata ushujaa wa kukaa chini kujiangalia na kuwa na uthubutu wa kujisahihisha kabla ya ama kukutana na tufani ya kisiasa huko mbeleni au kulifikisha taifa pabaya.
Wenzao wa CCM pamoja na makosa mengi wamekuwa wakiyafanya, kimbuka kidogo cha mwaka 2010 kimewaamsha, kujiangalia na kukubali kujisahihisha kwa njia ya kujivua gamba la ufisadi. CHADEMA kwa upande wake wanapaswa kutikiswa na kaupepo cha kisiasa huko Igunga ili kukubali kujiangalia na kuanza mikakati thabiti ya kujivua magamba ya ukabila na udini ambayo ni hatari zaidi kwake na kwa jamii na taifa letu kwa ujumla zaidi ya lile la ufisadi la CCM.
Lakini zaidi kushindwa kwa CHADEMA sasa kutawezesha uongozi wake na zaidi washabiki wao kuwashinikiza kujisahihisha na kuanza kufikiri na kutenda katika taathira ya hulka ya Serikali Mbadala (Government in waiting) inayosubiri kuongoza taifa hilihili ambalo matendo yao ya sasa yanaelekea kuliharibu.
Kushindwa kwa CHADEMA sasa ni kushinda kwa CHADEMA huko mbeleni.
Nashindwa kuelewa!
@1st Sept 2011
Nashindwa kuelewa kama serikali ya CCM hapo mwanzoni ilikuwa na nia ya kuanzisha mahakama ya Kadhi hadi pale viongozi na asasi za "kanisa" walipokuja juu dhidi yake na kupelekea kutikiswa kwa mtaji wake katika soko la kura, iweje leo tujidanganye kuwa uamuzi wa serikali haukushawishiwa ama kushuritishwa na kanisa!
Lakini pia wakati naamini katika busara za kukubali hoja hii kwa maslahi ya utanzania wetu, nashindwa kuelewa hii hoja ya kuwa kodi ya mtanzania haiwezi kutumika kuendesha mahakama ya Kadhi.
Iweje isiwe sawa kutoa kodi hizo kwa asasi za dini wakati tayari tumekuwa na tunaendelea kufanya hilo kwa kusaidia mabilioni ya kodi hizo kwa asasi na mashirika ya kidini?
Nimewahi kusikia kuwa mara baada ya Rais kushinda uchaguzi ambao inaaminika kuwa uliathiriwa na msimamo hasi wa "kanisa" dhidi ya serikali na CCM, serikali imeahidi ama kutoa zaidi ya shilingi bilioni 50 kwa mashirika na asasi kadhaa za "kanisa".
Nashindwa pia kuelewa ni vipi kodi ya mtanzania haipo kwa ajili ya maslahi ya watanzania wakati waislamu ni sehemu ya watanzania?
Na pia ni utanzania gani tunaoujenga kwa kudai kuwa ni haramu kwa kodi ya David kutumika kwa maslahi ya Omar?
Naamini kuwa msimamo huu unaweza kuwa hafueni ama ushindi kwa mtizamo wa watanzania wa upande mmoja lakini kuongeza malalamiko na hisia hasi upande mwengine. Lakini pia ni muhimu kutambua kuwa wakati wale wa upande mmoja wanadhani kuwa hotuba hii ya Rais imeonyesha uthabiti ambao wengi tunapenda kuuona unaongoza asasi hii nyeti ya Uongozi, wapo wa upande mwengine ambao watachukulia hotuba hii kama ulegelege wa kukubali kushindwa na nguvu za upande mwengine na sio kwa busara za kulinda utaifa wetu.
Ukweli ni kuwa mzizi wa tatizo hili ni ujanjaujanja uliotumika kuliingiza suala hili la mahakama ya Kadhi katika ilani ya CCM ambayo ililenga kuidhibiti CUF katika soko la kura.
Na sasa nahofia msimamo wa sasa wa serikali ya CCM ni kujaribu kuidhibiti CHADEMA katika soko la kura la 2015.
Ni wazi pia kuwa ubinafsi na ujanjaujanja wa baadhi ya wanasiasa, wasomi na zaidi viongozi wa dini ulifanikiwa katika kubomoa hoja hii ya mahakama ya kadhi na kuijengea mazingira ya uadui kati yetu badala ya kuijenga kama chachu ya upendo kati yetu.
Hii imetokana na hulka ya ushindani na propaganda hasi iliyogubika mjadala mzima wa mahakama ya Kadhi kama ilivyokuwa ukiendelea bungeni, katika vyombo vya habari, katika kampeni, misikitini na makanisani, vijiweni na hata majumbani mwetu.
Wakati waislamu waliongea kwa mtazamo wa haki yao na hisia za kubaguliwa na mfumo, wakristo walijikita zaidi "ubaya" na nia mbaya ya Mahakama ya Kadhi.
Wengi wao walikwepa kuongelea yaliyomo katika mchakato mswada wa sheria ya kuendesha mhakama hiyo na sehemu ya katiba katika suala hilo.
Kwa mtazamo wangu hutuba hii ni kipenga cha kuanzisha rasmu mjadala huu na sio kuhitimishwa.
Mwisho naamini kuwa hii ni sehemu ya changamoto ambazo kama taifa linaloendela tumekuwa na tunapaswa kupitia ili kukomaa kidemokrasia.
Muhimu ni kuendeleza utamaduni wa shauku ya kutaka kujua mambo kwa undani wake zaidi ya propaganda za viongozi wawe wa kisiasa ama kijamii na wajenga maoni wetu, kuvumiliana na pengine kuaminiana kwamba wote tuna nianjema katika kujenga tanzanianjema.
Nashindwa kuelewa kama serikali ya CCM hapo mwanzoni ilikuwa na nia ya kuanzisha mahakama ya Kadhi hadi pale viongozi na asasi za "kanisa" walipokuja juu dhidi yake na kupelekea kutikiswa kwa mtaji wake katika soko la kura, iweje leo tujidanganye kuwa uamuzi wa serikali haukushawishiwa ama kushuritishwa na kanisa!
Lakini pia wakati naamini katika busara za kukubali hoja hii kwa maslahi ya utanzania wetu, nashindwa kuelewa hii hoja ya kuwa kodi ya mtanzania haiwezi kutumika kuendesha mahakama ya Kadhi.
Iweje isiwe sawa kutoa kodi hizo kwa asasi za dini wakati tayari tumekuwa na tunaendelea kufanya hilo kwa kusaidia mabilioni ya kodi hizo kwa asasi na mashirika ya kidini?
Nimewahi kusikia kuwa mara baada ya Rais kushinda uchaguzi ambao inaaminika kuwa uliathiriwa na msimamo hasi wa "kanisa" dhidi ya serikali na CCM, serikali imeahidi ama kutoa zaidi ya shilingi bilioni 50 kwa mashirika na asasi kadhaa za "kanisa".
Nashindwa pia kuelewa ni vipi kodi ya mtanzania haipo kwa ajili ya maslahi ya watanzania wakati waislamu ni sehemu ya watanzania?
Na pia ni utanzania gani tunaoujenga kwa kudai kuwa ni haramu kwa kodi ya David kutumika kwa maslahi ya Omar?
Naamini kuwa msimamo huu unaweza kuwa hafueni ama ushindi kwa mtizamo wa watanzania wa upande mmoja lakini kuongeza malalamiko na hisia hasi upande mwengine. Lakini pia ni muhimu kutambua kuwa wakati wale wa upande mmoja wanadhani kuwa hotuba hii ya Rais imeonyesha uthabiti ambao wengi tunapenda kuuona unaongoza asasi hii nyeti ya Uongozi, wapo wa upande mwengine ambao watachukulia hotuba hii kama ulegelege wa kukubali kushindwa na nguvu za upande mwengine na sio kwa busara za kulinda utaifa wetu.
Ukweli ni kuwa mzizi wa tatizo hili ni ujanjaujanja uliotumika kuliingiza suala hili la mahakama ya Kadhi katika ilani ya CCM ambayo ililenga kuidhibiti CUF katika soko la kura.
Na sasa nahofia msimamo wa sasa wa serikali ya CCM ni kujaribu kuidhibiti CHADEMA katika soko la kura la 2015.
Ni wazi pia kuwa ubinafsi na ujanjaujanja wa baadhi ya wanasiasa, wasomi na zaidi viongozi wa dini ulifanikiwa katika kubomoa hoja hii ya mahakama ya kadhi na kuijengea mazingira ya uadui kati yetu badala ya kuijenga kama chachu ya upendo kati yetu.
Hii imetokana na hulka ya ushindani na propaganda hasi iliyogubika mjadala mzima wa mahakama ya Kadhi kama ilivyokuwa ukiendelea bungeni, katika vyombo vya habari, katika kampeni, misikitini na makanisani, vijiweni na hata majumbani mwetu.
Wakati waislamu waliongea kwa mtazamo wa haki yao na hisia za kubaguliwa na mfumo, wakristo walijikita zaidi "ubaya" na nia mbaya ya Mahakama ya Kadhi.
Wengi wao walikwepa kuongelea yaliyomo katika mchakato mswada wa sheria ya kuendesha mhakama hiyo na sehemu ya katiba katika suala hilo.
Kwa mtazamo wangu hutuba hii ni kipenga cha kuanzisha rasmu mjadala huu na sio kuhitimishwa.
Mwisho naamini kuwa hii ni sehemu ya changamoto ambazo kama taifa linaloendela tumekuwa na tunapaswa kupitia ili kukomaa kidemokrasia.
Muhimu ni kuendeleza utamaduni wa shauku ya kutaka kujua mambo kwa undani wake zaidi ya propaganda za viongozi wawe wa kisiasa ama kijamii na wajenga maoni wetu, kuvumiliana na pengine kuaminiana kwamba wote tuna nianjema katika kujenga tanzanianjema.
Africas silent anger!
August 2011
Reports of Libya rebels massacre of black skinned Libyans and emigrants from sub sahara Africa makes my blood boils with anger.
However this is not news to me as I saw it from the beginning that religious fanatism and racism is fundamentally centered within the NATO supported rebels.
They hated to be led by a Bedouin Ghadafi, they hated his African agenda as it was obvious during the massacre of black Africans some years ago around Benghazi and bengazis dominated eastern tripoli.
Unfortunately there those misguided Activists have guts to question why most of African government stand of not rushing to legitimize these racist fanatic myopic opportunists western nurtured and aided venture....aghhhh
Thinking Africans wont embrace rebels due to so called Ghadafi bankrolling history is as closed minded as those thinking that #libya is only oil issue.
If it's the issue of bankrolling it is the African leaders silence on the utterly abuse of their little trust to international community safeguarding their masters paycheck that should be noticed.
Actually most if those who were really bankrolled like Senegal, Gambia, Malawi and others were the first to betray him.
It's time for those who think they know us better than ourselves to understand that though we are fucked up as a continent we still cling to principles over opportunism when it comes to what is Africa and our grand aspirations!
I wish those #libya rebels cheerleaders would notice the silence anger that is boiling inside African population and how it gonna blow!
Reports of Libya rebels massacre of black skinned Libyans and emigrants from sub sahara Africa makes my blood boils with anger.
However this is not news to me as I saw it from the beginning that religious fanatism and racism is fundamentally centered within the NATO supported rebels.
They hated to be led by a Bedouin Ghadafi, they hated his African agenda as it was obvious during the massacre of black Africans some years ago around Benghazi and bengazis dominated eastern tripoli.
Unfortunately there those misguided Activists have guts to question why most of African government stand of not rushing to legitimize these racist fanatic myopic opportunists western nurtured and aided venture....aghhhh
Thinking Africans wont embrace rebels due to so called Ghadafi bankrolling history is as closed minded as those thinking that #libya is only oil issue.
If it's the issue of bankrolling it is the African leaders silence on the utterly abuse of their little trust to international community safeguarding their masters paycheck that should be noticed.
Actually most if those who were really bankrolled like Senegal, Gambia, Malawi and others were the first to betray him.
It's time for those who think they know us better than ourselves to understand that though we are fucked up as a continent we still cling to principles over opportunism when it comes to what is Africa and our grand aspirations!
I wish those #libya rebels cheerleaders would notice the silence anger that is boiling inside African population and how it gonna blow!
Ya Bungeni ni matunda ya soko la kura...
Ya Bungeni ni matunda ya soko la kura...
29 June 2011
Ni hatari, si salama na wala sio busara kuacha hatima ya taifa letu iamuliwe kwa mujibu wa maslahi ya soko la kura. Soko ambalo kwa muda mrefu tumekuwa tunalidumaza kifikira. Soko ambalo badala ya kuwa mkombozi wa mtanzania limegeuzwa kuwa janga la utaifa wetu. Soko lililogeuzwa kuwa mazalia uozo wa kisiasa. Soko ambalo kamwe halitaweza kutuondoa katika lindi la maadui umasikini, ujinga, maradhi, ufisadi na ubaguzi.
Bunge letu la sasa ni matunda ya mfumo na utamaduni wa kisiasa unaojengeka wenye kuweka mbele maslahi ya soko la kura na kusahau ama kudharau wajibu wa uongozi na kamwe sio kupanuka kwa demokrasia.
Wakati wanasiasa wetu wanaamini kuwa siasa za kukosa busara na staha dhidi ya "Watawala" zinashabikiwa na vijana wengi hivyo ni mtaji muafaka wa kura, wamesahau uongozi ni dhamana na una majukumu yake!
Kimsingi baadhi yao wanaamini kuwa hizo ndio siasa zinazovutia wapiga kura vijana. Hawajali wajibu wao kama viongozi. Wanasahau ni Tanzania wanayoijenga sasa ndiyo wayakayopaswa kuitawala wakishika dola.
Lakini zaidi ufinyu wa ustadi katika siasa za kujenga zenye kuambatana na uerevu wa masuala ya kitaifa na kidunia katika uga wa siasa unapelekea baadhi ya wanasiasa wetu kuamini katika siasa za ujanjaujanja ili kuficha mapungufu yao.
Naweza kusema hili ni zao historia ndefu ya nchi yetu kujikita katika utoaji wa bora elimu na pia tatizo la ukosefu wa watu wenye ujuzi, uwezo na umahiri wa masuala mbalimbali ya kimaendeleo katika platform za siasa kama bunge letu.
Lakini pia ukosefu wa hulka ya uthubutu miongoni mwa watanzania wenye elimu bora, misingi thabiti na umahiri wa masuala ya uongozi na siasa kuingia katika taaluma ya siasa na kukimbilia maeneo salama kimaisha na kimaslahi.
Kwa upande mwengine soko hili la kura limefanikiwa kutupa viongozi tunaowaona na wakaendelea kupata ushabiki na hata ufuasi miongoni mwetu hasa sisi vijana kutokana na miaka mingi ya matumizi mabaya ya imani ya watanzania. Imani ambayo watanzania waliwapa viongozi wao pamoja na asasi za utawala.
Ni kutokana na tabia za baadhi ya viongozi wetu kutumia vibaya imani na ridhaa ya watanzania hata kufikia kuwadhihaki na kuwabeza huku wakishindwa kutatatua hata ya matatizo ya msingi ya wananchi hao nako kumewezesha wanasiasa wajanjawajanja kuchakachua soko la kura.
Uchakachuaji ambao badala ya kuwapa nafasi watanzania kuwa na upeo mkubwa wa kuchagua viongozi bora unawafanya wawe wahanga wa kuchagua viongozi wahuni zaidi, walafi zaidi, wazembe zaidi na wabinafsi zaidi.
Ili kuepukana na hatari hii ni wajibu wetu sote kuwa mstari wa mbele kujenga upya misingi ya siasa safi na uongozi bora. Na hili litafanikiwa endapo sote ambao tumebarikiwa kupata elimu na kujengeka kifikira kukataa kuwa wahanga wa siasa zenye kujali na kuamini katika kasumba za kisiasa badala Ukweli wa mambo.
Lakini pia kuwa tayari kuhakikisha kuwa kila mtanzania anapaswa kujua ukweli wa mambo na kumuepusha kuwa mhanga wa siasa za kasumba, hovyohovyo na majitaka. Siasa ambazo huwezesha udumavu wa kifikira na pia kuwa mtaji wa wanasiasa wajanjawajanja, wahuni na hata madhalimu wanaojivika vilemba vya uwanamapinduzi, uzalendo na ukombozi. Wanasiasa ambao wako tayari kuweka rehani mustakbali wa taifa letu kwa maslahi yao ya kisiasa na binafsi.
29 June 2011
Ni hatari, si salama na wala sio busara kuacha hatima ya taifa letu iamuliwe kwa mujibu wa maslahi ya soko la kura. Soko ambalo kwa muda mrefu tumekuwa tunalidumaza kifikira. Soko ambalo badala ya kuwa mkombozi wa mtanzania limegeuzwa kuwa janga la utaifa wetu. Soko lililogeuzwa kuwa mazalia uozo wa kisiasa. Soko ambalo kamwe halitaweza kutuondoa katika lindi la maadui umasikini, ujinga, maradhi, ufisadi na ubaguzi.
Bunge letu la sasa ni matunda ya mfumo na utamaduni wa kisiasa unaojengeka wenye kuweka mbele maslahi ya soko la kura na kusahau ama kudharau wajibu wa uongozi na kamwe sio kupanuka kwa demokrasia.
Wakati wanasiasa wetu wanaamini kuwa siasa za kukosa busara na staha dhidi ya "Watawala" zinashabikiwa na vijana wengi hivyo ni mtaji muafaka wa kura, wamesahau uongozi ni dhamana na una majukumu yake!
Kimsingi baadhi yao wanaamini kuwa hizo ndio siasa zinazovutia wapiga kura vijana. Hawajali wajibu wao kama viongozi. Wanasahau ni Tanzania wanayoijenga sasa ndiyo wayakayopaswa kuitawala wakishika dola.
Lakini zaidi ufinyu wa ustadi katika siasa za kujenga zenye kuambatana na uerevu wa masuala ya kitaifa na kidunia katika uga wa siasa unapelekea baadhi ya wanasiasa wetu kuamini katika siasa za ujanjaujanja ili kuficha mapungufu yao.
Naweza kusema hili ni zao historia ndefu ya nchi yetu kujikita katika utoaji wa bora elimu na pia tatizo la ukosefu wa watu wenye ujuzi, uwezo na umahiri wa masuala mbalimbali ya kimaendeleo katika platform za siasa kama bunge letu.
Lakini pia ukosefu wa hulka ya uthubutu miongoni mwa watanzania wenye elimu bora, misingi thabiti na umahiri wa masuala ya uongozi na siasa kuingia katika taaluma ya siasa na kukimbilia maeneo salama kimaisha na kimaslahi.
Kwa upande mwengine soko hili la kura limefanikiwa kutupa viongozi tunaowaona na wakaendelea kupata ushabiki na hata ufuasi miongoni mwetu hasa sisi vijana kutokana na miaka mingi ya matumizi mabaya ya imani ya watanzania. Imani ambayo watanzania waliwapa viongozi wao pamoja na asasi za utawala.
Ni kutokana na tabia za baadhi ya viongozi wetu kutumia vibaya imani na ridhaa ya watanzania hata kufikia kuwadhihaki na kuwabeza huku wakishindwa kutatatua hata ya matatizo ya msingi ya wananchi hao nako kumewezesha wanasiasa wajanjawajanja kuchakachua soko la kura.
Uchakachuaji ambao badala ya kuwapa nafasi watanzania kuwa na upeo mkubwa wa kuchagua viongozi bora unawafanya wawe wahanga wa kuchagua viongozi wahuni zaidi, walafi zaidi, wazembe zaidi na wabinafsi zaidi.
Ili kuepukana na hatari hii ni wajibu wetu sote kuwa mstari wa mbele kujenga upya misingi ya siasa safi na uongozi bora. Na hili litafanikiwa endapo sote ambao tumebarikiwa kupata elimu na kujengeka kifikira kukataa kuwa wahanga wa siasa zenye kujali na kuamini katika kasumba za kisiasa badala Ukweli wa mambo.
Lakini pia kuwa tayari kuhakikisha kuwa kila mtanzania anapaswa kujua ukweli wa mambo na kumuepusha kuwa mhanga wa siasa za kasumba, hovyohovyo na majitaka. Siasa ambazo huwezesha udumavu wa kifikira na pia kuwa mtaji wa wanasiasa wajanjawajanja, wahuni na hata madhalimu wanaojivika vilemba vya uwanamapinduzi, uzalendo na ukombozi. Wanasiasa ambao wako tayari kuweka rehani mustakbali wa taifa letu kwa maslahi yao ya kisiasa na binafsi.
Subscribe to:
Posts (Atom)